រាជធានីភ្នំពេញ ៖ ជនសង្ស័យប្រុសស្រី ចំនួន៨នាក់ ត្រូវបានកម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួន បន្ទាប់ពីជនសង្ស័យទាំងនោះ បានជួបប្រមូលផ្ដុំគ្នានៅក្នុងដីឡូមួយកន្លែង ប្រើប្រាស់គ្រឿងញៀន…
រាជធានីភ្នំពេញ ៖ ជនសង្ស័យប្រុសស្រី ចំនួន៨នាក់ ត្រូវបានកម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួន បន្ទាប់ពីជនសង្ស័យទាំងនោះ បានជួបប្រមូលផ្ដុំគ្នានៅក្នុងដីឡូមួយកន្លែង ប្រើប្រាស់គ្រឿងញៀន ។
ជនសង្ស័យទាំង ៨នាក់ ត្រូវបានសមត្ថកិច្ចឲ្យដឹងថា ៖
១-ឈ្មោះ មុត សីហា ភេទប្រុស អាយុ២៣ឆ្នាំ មុខរបរ និងស្នាក់នៅមិនពិតប្រាកដ
២-ឈ្មោះ ក្រាញ់ គង់គៀង ភេទប្រុស អាយុ២៩ឆ្នាំមុខរបរ និងស្នាក់នៅមិនពិតប្រាកដ
៣-ឈ្មោះ ម៉ៅ ចាន់នី ភេទប្រុស អាយុ២៧ឆ្នាំ មុខរបរ និងស្នាក់នៅមិនពិតប្រាកដ
៤-ឈ្មោះ ហេង ហ៊ុន ភេទប្រុស អាយុ៤៥ឆ្នាំ មុខរបរ និងស្នាក់នៅមិនពិតប្រាកដ
៥-ឈ្មោះ ចាន់ វិចិត្រ ភេទប្រុស អាយុ៣២ឆ្នាំមុខរបរ និងស្នាក់នៅមិនពិតប្រាកដ
៦-ឈ្មោះ ដួន ដៀន ភេទប្រុស អាយុ៥០ឆ្នាំ មុខរបរ និងស្នាក់នៅមិនពិតប្រាកដ
៧-ឈ្មោះ ប៊ុន សុថាវី ភេទស្រី អាយុ៣៧ឆ្នាំ មុខរបរ និងស្នាក់នៅមិនពិតប្រាកដ
និង៨-ឈ្មោះ លី សាវ៉ុន ភេទស្រី អាយុ៣៨ឆ្នាំ មុខរបរ និងស្នាក់នៅមិនពិតប្រាកដ ។
តាមនគរបាលបានឲ្យដឹងថា ដើម្បីពង្រឹងអនុវត្តគោលនយោបាយភូមិ សង្កាត់មានសុវត្ថិភាព នាថ្ងៃទី៧ ខែកញ្ញា ឆ្នាំ២០២៥ វេលាម៉ោងប្រហែល១១:៣០នាទីព្រឹក កម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០៨នាក់ ពីបទ ៖ ប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចដីឡូតិ៍ទុកចោល ផ្លូវលេខ៥៩២ ក្រុមទី៦៧ ភូមិ១២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
បន្ទាប់ពីឃាត់ខ្លួន សមត្ថកិច្ចបានធ្វើតេស្តិ៍ស្វែងរកសារធាតុញៀនជនសង្ស័យចំនួន០៨នាក់ខាងលើ ជាលទ្ធផលមានភាព វិជ្ជមាន (មានសារធាតុញៀន) ។ បច្ចុប្បន្ន ជនសង្ស័យចំនួន០៨ខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីអនុវត្តតាមនីតិវិធី ៕
ចែករំលែកព័តមាននេះ