ពលរដ្ឋកម្ពុជាមួយចំនួនចូលចិត្តកែរសម្ផស្សនៅក្រៅប្រទេស។ ប៉ុន្តែសូមបងប្អូនប្រយ័ត្នផង ព្រោះ មានសេចក្តីរាយការណ៍អំពីគ្លីនិកកែរសម្ផស្សខុសច្បាប់ដែលអាជ្ញធររបស់គេបានចុះបង្ក្រាប។ សារព័ត៌មាន VN Express បានរាយការណ៍កាលពីថ្ងៃទី ០៦ ខែកញ្ញាថា…
ពលរដ្ឋកម្ពុជាមួយចំនួនចូលចិត្តកែរសម្ផស្សនៅក្រៅប្រទេស។ ប៉ុន្តែសូមបងប្អូនប្រយ័ត្នផង ព្រោះ មានសេចក្តីរាយការណ៍អំពីគ្លីនិកកែរសម្ផស្សខុសច្បាប់ដែលអាជ្ញធររបស់គេបានចុះបង្ក្រាប។
សារព័ត៌មាន VN Express បានរាយការណ៍កាលពីថ្ងៃទី ០៦ ខែកញ្ញាថា ប៉ូលីសនៅទីក្រុងហូជីមិញបានចាប់ខ្លួនម្ចាស់គ្លីនិកកែសម្ផស្សដែលគ្មានអាជ្ញាប័ណ្ណមួយកន្លែង ដោយចោទប្រកាន់ថាបានទាក់ទាញអតិថិជនរាប់រយនាក់ដោយខុសច្បាប់ ហើយទទួលបានប្រាក់ចំណូលដល់ទៅជាង ៣៨ ម៉ឺនដុល្លារ មុនពេលអាជ្ញាធររកឃើញការពិត។
ពាក់ព័ន្ធនឹងគ្លីនិកមួយនេះ អាជ្ញាធរវៀតណាមបាននិយាយ ថា ស្ត្រីម្នាក់ឈ្មោះ ង្វៀន ធីហ៊ួង (Nguyen Thi Huong) អាយុ ៣២ ឆ្នាំ ត្រូវបានចាប់ខ្លួនរួមជាមួយបក្ខពួកពីរនាក់គឺ ង្វៀន មិញខាយ (Nguyen Minh Khai)និង ឌួង តាន់ឡុង (Duong Tan Long) ពីបទឆបោកអតិថិជន។
គ្លឺនិកនោះមានឈ្មោះថា ហូ ភីតាល់ SW (Ho.pital SW) ដែលមានទីតាំងនៅផ្លូវ កាវ ថាង (Cao Thang) ក្រុងហូជីមិញ ដែលបើកទទួល ធ្វើការវះកាត់ផ្នែកវេជ្ជសាស្ដ្រ កែសម្ផស្សនិងសេវាកម្មផ្សេងៗទៀត ហើយធ្វើការឃោសនាតាមបណ្តាញសង្គមបោកប្រាស់អតិថិជន ។
មកដល់ពេលនេះក្រៅពីវេជ្ជសាស្ត្រទូទៅ ក៏មានប្រជាពលរដ្ឋកម្ពុជាគួរសមដែរបានធ្វើដំណើរទៅវៀតណាម ដើម្បីទទួលសេវាកម្មកែសម្ផស្សនេះ។ ដូច្នេះមុននឹងចេញទៅស្វែងរកសេវាកម្មវេជ្ជសាស្ត្រនៅទីនោះ គប្បីដឹងសាវតាមន្ទីរពេទ្យ ឫ គ្លីនិកឲ្យច្បាស់លាស់ ៕
ចែករំលែកព័តមាននេះ