ខេត្តកណ្តាល៖ បុរសជាសន្តិសុខម្នាក់ត្រលប់មកពីធើ្វការ ឆ្លៀតពេលបោកខោអាវរួចបានចូលទៅសំរាក ខណៈពេលកំពុងឈរហាលខោអាវក៏ត្រូវបានខ្សែភ្លើងឆក់ស្លាប់ភ្លាមៗនៅនឹងកន្លែងកើតហេតុ មុខបន្ទប់ជួល ។ ហេតុការណ៍ដ៏គួរអោយរន្ធត់នេះដែលបានកើតឡើងកាលពីវេលាម៉ោង៦ព្រឹកថ្ងៃទី៤ កញ្ញា ឆ្នាំ២០២៥ ស្ថិតនៅភូមិជ័យជំនះ…
ខេត្តកណ្តាល៖ បុរសជាសន្តិសុខម្នាក់ត្រលប់មកពីធើ្វការ ឆ្លៀតពេលបោកខោអាវរួចបានចូលទៅសំរាក ខណៈពេលកំពុងឈរហាលខោអាវក៏ត្រូវបានខ្សែភ្លើងឆក់ស្លាប់ភ្លាមៗនៅនឹងកន្លែងកើតហេតុ មុខបន្ទប់ជួល ។
ហេតុការណ៍ដ៏គួរអោយរន្ធត់នេះដែលបានកើតឡើងកាលពីវេលាម៉ោង៦ព្រឹកថ្ងៃទី៤ កញ្ញា ឆ្នាំ២០២៥ ស្ថិតនៅភូមិជ័យជំនះ ឃុំសៀមរាប ស្រុកកណ្តាលស្ទឹង ខេត្តកណ្ដាល ។
សមត្ថកិច្ចបានអោយដឹងថា ជនរងគ្រោះមានឈ្មោះ ញ៉េប វាស្នា ភេទប្រុស អាយុ៣៣ឆ្នាំ បច្ចុប្បន្នស្នាក់បន្ទប់ជួល នៅក្នុងភូមិឃុំកេីតហេតុខាងលេី មានស្រុកកំណើត នៅភូមិឃ្លៃ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
តាមការរៀបរាប់ពីឈ្មោះ កែវ ផានិត ភេទ ប្រុស អាយុ ៣៤ឆ្នាំ ដែលត្រូវជាអ្នកមើលការខុសត្រូវ ផ្ទះជួល បានអោយសមត្ថកិច្ចដឹងថា ជារៀងរាល់ដងនៅពេលជនរងគ្រោះ ចេញមកពីធើ្វការវិញគាត់តែងតែបោកសម្លៀកបំពាក់គាត់រួច ទើបគាត់ទៅសំរាកក្នុងបន្ទប់ ដោយសារជនរងគ្រោះធើ្វការជាសន្តិសុខយាមពេលយប់ ។
លុះស្រាប់តែនៅថ្ងៃទី០៤ ខែកញ្ញា ឆ្នាំ២០២៥ វេលាម៉ោង០៦ និង០០នាទីព្រឹក ក៏ជនរងគ្រោះបានដើរចេញពីកន្លែងធ្វើការ មកដល់បន្ទប់វិញ ក៏បោកសម្លៀកបំពាក់ និង បានយកមកហាលនៅបន្ទប់ ស្រាប់តែប៉ះជាមួយខ្សែភ្លើងបណ្តាលឆក់ប្រកាច់ដួលនិងដី ។ ភ្លាមៗនោះក៏មានអ្នកស្នាក់នៅផ្ទះជួលក្បែរ នោះរត់មកមេីលបិទកុងទ័រភ្លេីង និងព្យាយាមជួយសង្គ្រោះ នឹងទាក់ទងហៅរថយន្តរបស់មន្ទីរពេទ្យមកជួយដែរ តែជាអកុសលជនរងគ្រោះបានស្លាប់បាត់ទៅហើយ គាត់ក៏បានរាយការណ៍ មកអាជ្ញាធរមូលដ្ឋាន អោយចុះមកអន្តរាគមន៍នៅនឹងទីតាំងកើតហេតុភ្លាមៗ ។
ក្រោយពេលពិនិត្យរួចសមត្ថកិច្ចជំនាញនឹងក្រុមគ្រួពេទ្យបានសន្និដ្ឋាន ថាជនរងគ្រោះបានស្លាប់ដោយសារឆក់ចរន្តអគ្គិសនី ពិតប្រាកដមែន ។ ចំណែកសពត្រូវបានប្រគល់ ជូនសាច់ញាតិ ដេីម្បីរៀបចំធើ្វបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ