រាជធានីភ្នំពេញ៖ តើអ្នកធ្លាប់មានអាការៈស្ពឹកស្រពន់ដៃជើង ឈឺសាច់ដុំ ឬមានអារម្មណ៍ក្តៅក្រហាយនៅបាតដៃបាតជើងដែរឬទេ? កុំមើលរំលង! អាការៈទាំងនេះអាចជាសញ្ញាព្រមាននៃជំងឺធ្ងន់ធ្ងរមួយគឺ ជំងឺរលាកប្រព័ន្ធសរសៃប្រសាទដៃជើង ដែលបង្កឡើងដោយការសេពគ្រឿងស្រវឹងហួសកម្រិត។ ជំងឺនេះតែងកើតមានលើបុរសវ័យ ៤០ ឆ្នាំឡើងទៅ។ ​

បើយោងតាមមន្ទីរពេទ្យកាល់ម៉ែត បានបញ្ជាក់ថាមូលហេតុចម្បងគឺការផឹកស្រាច្រើនពេក ដែលបណ្ដាលឱ្យសរសៃប្រសាទនិងសាច់ដុំនៅដៃជើងរបស់អ្នកត្រូវបានបំផ្លាញជាបន្តបន្ទាប់។

ចំណែករោគសញ្ញាគួរឱ្យកត់សម្គាល់៖​

• ស្ពឹក ស្រពន់ដៃជើង ដូចស្រមោចវារ។
• ក្តៅក្រហាយ នៅបាតដៃ បាតជើង។
• ចុករោយ ឬ រមួលក្រពើ សាច់ដុំ។
• ចុះខ្សោយកម្លាំង និង អស់កម្លាំង ខ្លាំង។
• ស្វិតសាច់ដុំ (ចុះខ្សោយទំហំសាច់ដុំ)។

ប្រសិនបើអ្នកមានរោគសញ្ញាណាមួយក្នុងចំណោមរោគសញ្ញាទាំងនេះ សូមប្រញាប់ទៅពិគ្រោះជាមួយគ្រូពេទ្យឯកទេសខាងប្រសាទសាស្ត្រជាបន្ទាន់។ ក្រុមគ្រូពេទ្យជំនាញនឹងធ្វើការវាស់មុខងារសរសៃប្រសាទនិងសាច់ដុំដោយម៉ាស៊ីនទំនើបដើម្បីកំណត់រោគវិនិច្ឆ័យបានត្រឹមត្រូវនិងផ្តល់ការព្យាបាលដ៏មានប្រសិទ្ធភាព។

កុំបណ្តោយឱ្យទម្លាប់ផឹកស្រាបំផ្លាញសុខភាពរបស់អ្នក! ការថែទាំសុខភាពមុនពេលវាធ្ងន់ធ្ងរគឺជាការសម្រេចចិត្តដ៏ល្អបំផុត៕

​