ខេត្តបាត់ដំបង ៖ បុរសម្នាក់ត្រូវកម្លាំងសមត្ថកិច្ចឃាត់ខ្លួនភ្លាមៗ បន្ទាប់ពីទាញកាំបិតខ្វែវដេញកាប់ទៅលើគូសត្រូវដ៏ជូរចត់របស់ខ្លួនត្រូវដាច់ដៃឆ្វេង និងស្ទើរដាច់.ក បណ្ដាលឲ្យស្លាប់នៅលើផ្លូវ កាលពីវេលាម៉ោងជិត១រំលងអធ្រាត្រ ឈានចូលថ្ងៃទី០២ កញ្ញា នៅចំណុចភូមិអង់…
ខេត្តបាត់ដំបង ៖ បុរសម្នាក់ត្រូវកម្លាំងសមត្ថកិច្ចឃាត់ខ្លួនភ្លាមៗ បន្ទាប់ពីទាញកាំបិតខ្វែវដេញកាប់ទៅលើគូសត្រូវដ៏ជូរចត់របស់ខ្លួនត្រូវដាច់ដៃឆ្វេង និងស្ទើរដាច់.ក បណ្ដាលឲ្យស្លាប់នៅលើផ្លូវ កាលពីវេលាម៉ោងជិត១រំលងអធ្រាត្រ ឈានចូលថ្ងៃទី០២ កញ្ញា នៅចំណុចភូមិអង់ សង្កាត់អូរចា ក្រុងបាត់ដំបង ។
មន្ត្រីបច្ចេកទេសនៃអធិការក្រុងបាត់ដំបងបានឲ្យដឹងថា ជនដៃដល់ដែលត្រូវកម្លាំងជំនាញ អធិការក្រុងឃាត់ខ្លួនទាំងកណ្ដាលយប់ឈ្មោះ និល មុន្នី ហៅរ៉ា ភេទប្រុស អាយុ៣៩ឆ្នាំ រស់នៅចំណុចកើតហេតុ រីឯជនរងគ្រោះឈ្មោះ គិន សុឃៀ ភេទប្រុស អាយុ៣៦ឆ្នាំ រស់នៅជាប់របងផ្ទះគ្នា ហើយមានមុខរបរមិនច្បាស់លាស់ដូចគ្នាទៀត ។
មន្ត្រីជំនាញដដែលបានផ្ដល់ព័ត៌មានបឋមថា ជនដៃដល់បានប្រើប្រាស់កាំបិតខ្វែវដេញកាប់ជនរងគ្រោះរត់តាមផ្លូវផុតឆ្ងាយពីផ្ទះប្រហែល៥០ម៉ែត្រក៏កាប់ត្រូវជនរងគ្រោះជាច្រើនកាំបិត បណ្ដាលឲ្យជនរងគ្រោះដេកដួលស្លាប់នៅលើផ្លូវយ៉ាងរន្ធត់ ។ បើតាមពិនិត្យបឋមជនរងគ្រោះត្រូវជនដៃដល់កាប់ដាច់ដៃខាងឆ្វេងចំកញ្ចឹង.ក និងស្មារស្ដាំ តែប៉ុន្មាននាទីក្រោយ ក៏ត្រូវកម្លាំងប៉ុស្ដិ៍រដ្ឋបាល និងកម្លាំងជំនាញ អធិការក្រុងបាត់ដំបង ចុះអន្តរាគមន៍ឃាត់ខ្លួនជបដៃដល់ភ្លាមៗនៅកន្លែងកើតហេតុតែម្ដង ។
ដើមចមនៃអំពើ «ឃាតកម្ម» យ៉ាងសាហាវឃោរឃៅនេះ បើតាមប្រភពនានានៅកន្លែងកើតហេតុបាននិយាយប្រហាក់ប្រហែលគ្នាថា ជនរងគ្រោះ និងជនដៃដល់ ជាអ្នកនៅក្បែរខាងជាប់របងផ្ទះគ្នា តែអ្នកទាំង០២នាក់នេះ មិនសូវត្រូវរ៉ូវគ្នាទេ ។ ប្រភពពីសាច់ញាតិ បាននិយាយថា ថ្មីៗនេះ គេឮសូរភាគីទាំង០២ក៏ធ្លាប់ប៉ះទង្គិចគ្នារឿងព្រំដីដែរ ។
ក្រៅពីនេះគូសត្រូវដ៏ជូរចត់ទាំង០២នាក់នេះ ក៏ធ្លាប់ផ្ទុះជម្លោះនឹងគ្នា ធ្លាប់ចោទគ្នាទៅវិញទៅមក ពាក់ព័ន្ធនឹងរឿង «គ្រឿងញៀន»។ ប៉ុន្តែនៅយប់កើតហេតុ គេឃើញជនដៃដល់ផឹកស៊ី ហាក់ស្រវឹងទៅហើយ រីឯជនរងគ្រោះក៏ដូចជាស្រវឹងខ្លះៗដែរ ហើយក៏ប៉ះសម្ដីគ្នារហូតជនដៃដល់ទប់កំហឹងទាញកាំបិតខ្វែវដេញកាប់ជនរងគ្រោះតាមផ្លូវរហូតដួលស្លាប់យ៉ាងរន្ធត់នៅលើផ្លូវមុខផ្ទះ ដើម្បីបញ្ចប់គំនុំដ៏រ៉ាំរ៉ៃ ។
លោក ពេជ្រ សារ៉ែន អធិការក្រុងបាត់ដំបងបានប្រាប់ថា បើតាមការបំភ្លឺនានាពីសាច់ញាតិ និងសាក្សីនានា អំពើ«ឃាតកម្ម» នេះ ផ្ដើមចេញពីគំនុំរវាងភាគីទាំង០២នាក់ ដែលមានផ្ទះនៅក្បែរគ្នា ។ ប៉ុន្តែយ៉ាងណា ជនដៃដល់ត្រូវបានកម្លាំងរបស់លោកឃាត់ខ្លួនបានហើយ។ ពេលនេះកំពុងសួរនាំចាត់ការតានីតិវិធីហើយ ៕
ចែករំលែកព័តមាននេះ