រាជធានីភ្នំពេញ ៖ ក្រសួងអប់រំ យុវជន និងកីឡាបានប្រកាសនាព្រឹកថ្ងៃទី០២ ខែកញ្ញានេះថា ៖ ប្រធាន អនុប្រធានតាមមណ្ឌលកំណែទាំង១០ បានដឹកនាំកិច្ចប្រជុំណែនាំបច្ចេកទេស…
រាជធានីភ្នំពេញ ៖ ក្រសួងអប់រំ យុវជន និងកីឡាបានប្រកាសនាព្រឹកថ្ងៃទី០២ ខែកញ្ញានេះថា ៖ ប្រធាន អនុប្រធានតាមមណ្ឌលកំណែទាំង១០ បានដឹកនាំកិច្ចប្រជុំណែនាំបច្ចេកទេស ដើម្បីត្រៀមរៀបចំដំណើរការកំណែនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ ដែលនឹងចាប់ផ្ដើមនៅថ្ងៃស្អែកនេះ ។
ក្នុងឱកាសនោះ ប្រធាន អនុប្រធានមណ្ឌលកំណែ បានធ្វើការណែនាំលើការងារបច្ចេកទេសក្នុងការធ្វើអត្រាកំណែ ការបែងចែកក្រុមកំណែជាក្រុមតូចៗ ដែលមានចំនួនសមាជិកច្បាស់លាស់ ការប្រគល់ឯកសារ ប័ណ្ណសម្គាល់ ការណែនាំនូវការបម្រាមក្នុងការយកចូលនូវកាបូប សម្ភារៈផ្សេងៗ ពិសេសទូរសព្ទដៃចូលក្នុងមណ្ឌលកំណែជាដាច់ខាត ។
ក្រសួងអប់រំ បានបន្តថា ការយកចូល និងប្រើប្រាស់ទូរស័ព្ទដៃនៅក្នុងមណ្ឌលកំណែត្រូវហាមឃាត់ ។ អ្នកដែលអ្នកប្រព្រឹត្តល្មើសគោលការណ៍ណែនាំណាមួយនឹងត្រូវទទួលខុសត្រូវចំពោះមុខច្បាប់ និងមិនអនុញ្ញាតឱ្យចូលរួមក្នុងដំណើរការប្រឡងជារៀងរហូត ៕
ចែករំលែកព័តមាននេះ