ខេត្តបន្ទាយមានជ័យ ៖ រថយន្តបែនកែច្នៃ១គ្រឿងបានបុករះបាក់ផ្ទះប្រជាពលរដ្ឋអស់មួយចំហៀងនិងខូចខាតសម្ភារៈ សំណាងល្អម្ចាស់ផ្ទះគេចទាន់ រួចផុតពីគ្រោះថ្នាក់។ ហេតុការណ៍ខាងលើនេះបានកើតឡើងនៅរសៀលថ្ងៃទី០១ ខែកញ្ញា ឆ្នាំ២០២៥ នៅភូមិខ្លាកូនថ្មី សង្កាត់កំពង់ស្វាយ…
ខេត្តបន្ទាយមានជ័យ ៖ រថយន្តបែនកែច្នៃ១គ្រឿងបានបុករះបាក់ផ្ទះប្រជាពលរដ្ឋអស់មួយចំហៀងនិងខូចខាតសម្ភារៈ សំណាងល្អម្ចាស់ផ្ទះគេចទាន់ រួចផុតពីគ្រោះថ្នាក់។
ហេតុការណ៍ខាងលើនេះបានកើតឡើងនៅរសៀលថ្ងៃទី០១ ខែកញ្ញា ឆ្នាំ២០២៥ នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។
តាមប្រភពពីបុរសជាម្ចាស់ផ្ទះបានថា នៅពេលកើតហេតុ គាត់កំពុងអង្គុយរុញអុសស្ងោរពោត ចំណែកប្រពន្ធទៅលក់ពោត ខណៈគាត់នៅតែម្នាក់ឯង ស្រាប់តែមានរថយន្តបែនកែច្នៃ១គ្រឿងបានបុករះចូលក្នុងផ្ទៈរបស់គាត់ សំណាងហើយដែលគាត់គេចទាន់ កុំអីគ្រោះថ្នាក់ ចំណែកផ្ទៈមួយចំហៀងត្រូវបានរថយន្តបុកបាក់ខ្ទិច និងខូចខាតសម្ភារៈមួយចំនួន ។ បន្ទាប់មក គាត់បានទូរស័ព្ទហៅអោយប្រពន្ធត្រឡប់មកជួយរៀបចំការខូចខាតសម្ភារៈក្នុងផ្ទៈ។
តាមប្រភពពីអ្នកបើកបររថយន្តបង្កបានបញ្ជាក់ថា នៅពេលដែលគាត់បើកបររថយន្តត្រឡប់ពីដឹកគ្រឿងសំណង់អោយគេ ហើយបើកមកដល់ចំណុចផ្លូវកោង ស្រាប់តែដាច់កាបចង្កូតបួងអត់ទៅក៏ជ្រុលទៅបុកចំផ្ទះ បណ្តាលឱ្យបាក់និងខូចខាតសម្ភារៈក្នុងផ្ទៈ ។ ពេលនេះកំពុងទំនាក់ទំនងអោយរថយន្តដឹកអ៊ែស្កាមកជួយទាញ ព្រោះកន្លែងលក់គ្រឿងសំណង់នៅក្បែរកន្លែងកើតហេតុប្រមាណ៥០០ម៉ែត្រ ចំណែកការខូចខាតផ្ទៈនិងសម្ភារៈ គឺអ្នកបើកបរ ឬម្ចាស់ក្រុមហ៊ុនគ្រឿងសំណង់ជាអ្នកដោះស្រាយសំណងការខូចខាតទាំងស្រុង ៕
ចែករំលែកព័តមាននេះ