រាជធានីភ្នំពេញ ៖ អគ្គលេខាធិការអង្គការសហប្រជាជាតិ(UN) បានបញ្ជាក់ថា កំពុងតាមដានបញ្ហាជម្លោះព្រំដែនកម្ពុជា-ថៃ និងបានស្នើឲ្យភាគីទាំងពីរដោះស្រាយបញ្ហាតាមយន្តការ ដែលមានស្រាប់ ។ យោងតាមបណ្តាញសង្គមរបស់សម្តេចបវរធិបតី ហ៊ុន…
រាជធានីភ្នំពេញ ៖ អគ្គលេខាធិការអង្គការសហប្រជាជាតិ(UN) បានបញ្ជាក់ថា កំពុងតាមដានបញ្ហាជម្លោះព្រំដែនកម្ពុជា-ថៃ និងបានស្នើឲ្យភាគីទាំងពីរដោះស្រាយបញ្ហាតាមយន្តការ ដែលមានស្រាប់ ។
យោងតាមបណ្តាញសង្គមរបស់សម្តេចបវរធិបតី ហ៊ុន ម៉ាណែតនៅថ្ងៃទី១ ខែកញ្ញា ឆ្នាំ២០២៥ សម្តេចបានជួបសម្តែងការគួរសម និងពិភាក្សាការងារជាមួយឯកឧត្តម António Guterres អគ្គលេខាធិការអង្គការសហប្រជាជាតិនៅប្រទេសចិន ។
ក្នុងជំនួបឯកឧត្តមអគ្គលេខាធិការ បានវាយតម្លៃខ្ពស់ចំពោះកម្ពុជា ដែលបានចូលរួមយ៉ាងសកម្ម ក្នុងនាមជាសមាជិកនៃអង្គការពិភពលោកក្នុងកិច្ចការជាច្រើន ។
ពាក់ព័ន្ធនឹងជម្លោះព្រំដែនរវាងកម្ពុជា និងថៃ ឯកឧត្តមអគ្គលេខាធិការបានបញ្ជាក់ថា ឯកឧត្តមផ្ទាល់ បាន និងកំពុងតាមដានយ៉ាងយកចិត្តទុកដាក់លើករណីនេះ ។ ឯកឧត្តមបានសម្តែងការស្វាគមន៍ចំពោះបទឈប់បាញ់រវាងកងទ័ពកម្ពុជា និងថៃ និងបន្តជំរុញអោយស្ថានការអាចវិលត្រលប់ទៅរកប្រក្រតីភាពនាពេលឆាប់ៗខាងមុខនៃទំនាក់ទំនងរវាងប្រទេសទាំងពីរ ។
ឯកឧត្តមអគ្គលេខាធិការ បានទទួលយកសំណើ ក្នុងការជំរុញអោយភាគីទាំងពីរជៀសវាងការប្រើប្រាស់កម្លាំងយោធា ដើម្បីដោះស្រាយបញ្ហាព្រំដែនដែលមិនទាន់ដាច់ស្រេច ជាពិសេសនៅតំបន់ដែលមានប្រជាពលរដ្ឋរស់នៅ ។
ជាងនេះអគ្គលេខាUNបានស្នើសូមឲ្យដោះស្រាយបញ្ហាព្រំដែន ដោយសន្តិវិធី តាមរយៈការប្រើប្រាស់យន្តការព្រំដែនដែលមានស្រាប់ (គឺគណៈកម្មការចម្រុះព្រំដែនកម្ពុជា-ថៃ JBC) ដោយផ្អែកលើមូលដ្ឋាននៃកិច្ចព្រមព្រៀងរវាងកម្ពុជា និងថៃដែលមានជាធរមាន សន្ធិសញ្ញាពាក់ព័ន្ធ និងច្បាប់អន្តរជាតិ៕
ចែករំលែកព័តមាននេះ