ខេត្តបាត់ដំបង ៖ មន្ទីរព័ត៌មានខេត្តបាត់ដំបង បានប្រកាសនាថ្ងៃទី៣១ ខែសីហានេះថា ៖ ការឆ្លាក់រូបព្រះពុទ្ធបដិមារបស់សិប្បកម្មចម្លាក់វិស្ណុការ គឺឆ្លាក់រូបគោរពទៅតាមក្បួនខ្នាត របស់ខ្មែរយើងតាំងពីបុរាណកាលមក និងយោងតាមសៀវភៅខ្នាតរបស់លោកតា…
ខេត្តបាត់ដំបង ៖ មន្ទីរព័ត៌មានខេត្តបាត់ដំបង បានប្រកាសនាថ្ងៃទី៣១ ខែសីហានេះថា ៖ ការឆ្លាក់រូបព្រះពុទ្ធបដិមារបស់សិប្បកម្មចម្លាក់វិស្ណុការ គឺឆ្លាក់រូបគោរពទៅតាមក្បួនខ្នាត របស់ខ្មែរយើងតាំងពីបុរាណកាលមក និងយោងតាមសៀវភៅខ្នាតរបស់លោកតា ចាន់ ស៊ីម ដោយមានការទទួលស្គាល់ពីក្រសួងវប្បធម៌ និងវិចិត្រសិល្បៈ សិប្បកម្មចម្លាក់វិស្ណុការ មានទីតាំងស្ថិតនៅ ក្នុងភូមិជ្រៃកោងសង្កាត់ចំការសំរោង ក្រុងបាត់ដំបង ។
លោក កែវ សិរីវឌ្ឍន៍ ម្ចាស់សិប្បកម្មចម្លាក់វិស្ណុការបានឱ្យដឹងថា សិប្បកម្មចម្លាក់វិស្ណុការ បានដំណើរការ ចាប់ពីឆ្នាំ២០០៧មកម្ល៉េះ ដែលមានភ្ញៀវមកជាវព្រះពុទ្ធដិមា ភាគច្រើនជាភ្ញៀវ នៅក្នុងខេត្តបាត់ដំបង មានទាំងព្រះសង្ឃ មានទាំងពុទ្ធបរិស័ទវ័យចំណាស់ ជាវព្រះពុទ្ធបដិមាយកទៅធ្វើបុណ្យ ដែលជាជំនឿរបស់ព្រះពុទ្ធសាសនាយើង ហើយអ្នកជាវភាគច្រើន ជារូបព្រះពុទ្ធទាក់ទងទៅនឹងពុទ្ធប្រវត្តិ មានព្រះប្រក់នាគ ព្រះអង្គផ្ចាញ់មា មានព្រះអង្គសមាធិ ព្រះអង្គទ្រង់បាត ព្រះអង្គសិអាមេត្រី មានមួយចំនួនកម្មង់ឆ្លាក់រូបឪពុកម្តាយ ហើយរូបព្រះទាំងនេះ យកទៅដាក់នៅវត្ត ឬទីសក្ការៈផ្សេងៗ ដែលគាត់គោរពបូជា ៕
ចែករំលែកព័តមាននេះ