រាជធានីភ្នំពេញ ៖ ទារកទើបសម្រលបាន៤ទៅ៥ថ្ងៃម្នាក់ ត្រូវបានគេយកទៅប្លុងចោលនៅក្រោមរានទេវតាមុខផ្ទះប្រជាពលរដ្ឋ បង្កឲ្យមានការភ្ញាក់ផ្អើលកាលពីវេលាម៉ោង១០យប់ថ្ងៃទី៣១ខែសីហាឆ្នាំ២០២៥ នៅចំនុចផ្លូវបេតុងមួយកន្លែង ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ…
រាជធានីភ្នំពេញ ៖ ទារកទើបសម្រលបាន៤ទៅ៥ថ្ងៃម្នាក់ ត្រូវបានគេយកទៅប្លុងចោលនៅក្រោមរានទេវតាមុខផ្ទះប្រជាពលរដ្ឋ បង្កឲ្យមានការភ្ញាក់ផ្អើលកាលពីវេលាម៉ោង១០យប់ថ្ងៃទី៣១ខែសីហាឆ្នាំ២០២៥ នៅចំនុចផ្លូវបេតុងមួយកន្លែង ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
ប្រភពព័ត៌មានពីប្រជាពលរដ្ឋបានអោយដឹងថា មុននឹងប្រទះឃើញទាករខាងលើ គឺពួកគាត់ជាប្រជាពលរដ្ឋរស់ក្នុងភូមិ បានលឺសំលេងក្មេងយំ ដោយមានការងឿងឆ្ងល់ ពួកគាត់បានចេញមកក្រៅផ្ទះ ក៍ប្រទះឃើញទារកខាងលើ មិនដឹងថាម្តាយយកមកប្លុងចោលដាក់ក្រោមរានទេវតាមុខផ្ទះប្រជាពលរដ្ឋ តាំងពីពេលណានោះទេ ដោយមានថង់មួយមានខោអាវនិងទឹកដោះគោក្នុងនោះថែមទៀតផង។
ប្រភពបន្តទៀតថា ដោយឃើញសភាពបែបនេះ មើលទៅគួរឲ្យអាណិតអាសូរ ហើយទារកខាងលើវ័យប្រហែល៤ទៅ៥ថ្ងៃតែប៉ុណ្ណោះ ចឹងហើយពួកគាត់ក៍បានរាយការណ៍ជូនអាជ្ញាធរនិងប្រធានភូមិអោយជួយចុះពិនិត្យទារកផងដែរ ។
ក្រោយកើតហេតុទារកខាងលើ ត្រូវបានខាងសាលាសង្កាត់ដង្កោ អោយមកទទួលយកទៅមើលថែជាបណ្ដោះអាសន្នសិន ៕
ចែករំលែកព័តមាននេះ