រាជធានីភ្នំពេញ ៖ អង្គភាពប្រឆាំងអំពើពុករលួយ ឬហៅកាត់ថា(អ.ប.ព) បានធ្វើការស្រាវជ្រាវចំពោះការលើកឡើងថា មានការបែកធ្លាយវិញ្ញាសារប្រឡងសញ្ញាបត្រមធ្យមសិក្សាទុតិភូមិមុខវិទ្យាគណិតវិទ្យាថា រកឃើញដូចវិញ្ញាដើមពី៨០%ទៅ១០០% ហើយពេលនេះបានកំពុងស្រាវជ្រាវប្រភពបន្ថែម ។ យោងតាមរបាយការណ៍របស់អង្គភាពប្រឆាំងអំពើពុករលួយចេញផ្សាយនៅថ្ងៃទី១…
រាជធានីភ្នំពេញ ៖ អង្គភាពប្រឆាំងអំពើពុករលួយ ឬហៅកាត់ថា(អ.ប.ព) បានធ្វើការស្រាវជ្រាវចំពោះការលើកឡើងថា មានការបែកធ្លាយវិញ្ញាសារប្រឡងសញ្ញាបត្រមធ្យមសិក្សាទុតិភូមិមុខវិទ្យាគណិតវិទ្យាថា រកឃើញដូចវិញ្ញាដើមពី៨០%ទៅ១០០% ហើយពេលនេះបានកំពុងស្រាវជ្រាវប្រភពបន្ថែម ។
យោងតាមរបាយការណ៍របស់អង្គភាពប្រឆាំងអំពើពុករលួយចេញផ្សាយនៅថ្ងៃទី១ ខែកញ្ញា ឆ្នាំ២០២៥ថា៖ «យើងស្វែងរកយុត្តិធម៌ជូនបេក្ខជនបន្តទៀត ថ្ងៃនេះ មន្ត្រីអង្គភាពប្រឆាំងអំពើពុករលួយ (អ.ប.ព.) នៅបន្តការងាររាប់ទាំងការប្រជុំបូកសរុប វាយតម្លៃការស្រាវជ្រាវពាក់ព័ន្ធព័ត៌មានថា មានការបែកធ្លាយវិញ្ញាសាប្រឡង ។ ជឿថា មិត្តភក្តិបណ្តាញសង្គម របស់យើងក៏មិនបានទំលាក់ចោលនូវការងារនេះដែរ ។
លទ្ធផលរកឃើញថ្ងៃនេះ ACU សូមជម្រាបជូនសាធារណៈជន និងមិត្តភក្តិបណ្តាញសង្គមមួយផ្នែកសិនដែលរួមមាន៖ មិត្តភ័ក្តិបណ្តាញសង្គមមួយចំនួនដែលមានគណនី Tik Tok រស្មី កែវរដ្ឋា គណនី Facebook ស្រី ម៉ុង តាល់ – គណនី Facebook ឃុន សុផានិត – គណនី Facebook គង់ សំណាង – គណនី Facebook ឡី សំបូរ – គណនី Facebook អ៊ុង ខេមរៈ – គណនី Facebook សាយ សេងហ៊ង… ជាអ្នកឈានមុខជូនដំណឹងពីការសង្ស័យថា អាចមានការលេចធ្លាយវិញ្ញាសារប្រឡងបាក់ឌុប ហើយសំណូមពរជូនក្រសួង អប់រំយុវជន និងកីឡា ស្រាវជ្រាវបកស្រាយ និងដោះស្រាយ ដើម្បីជាយុត្តិធម៌ដល់បេក្ខជន បេក្ខនារី ។
ACU និងក្រសួង អប់រំយុវជន និងកីឡា មានគោលបំណងដូចគ្នានឹងគោលបំណងបណ្តាញសង្គមខាងលើនេះ និងមិត្តភក្តិបណ្តាញសង្គមផ្សេងទៀត ។ ប្រការនេះហើយ យើងគប្បីតែរួមគ្នាធ្វើការរឿងនេះ ដើម្បីឈានបានដល់គោលដៅឆាប់រហ័ស។ អ.ប.ព.អរគុណមិត្តភ័ក្របណ្តាញសង្គមដែលបានចុះផ្សាយ ដើម្បីផ្តល់ជាព័ត៌មានដល់ អ.ប.ព. យ៉ាងទាន់ពេលវេលា ។
ប្រភពបានលើកឡើងថា លទ្ធផលដំបូងឃើញថា រាល់ទម្រង់រូបវិញ្ញាសាប្រឡងដែលបានបង្ហោះមក ទោះជារូបភាពអត្ថបទវិញ្ញាសារវាយឡើងវិញក្តី -ការបង្ហោះជារូបព្រាលៗក្តី – ការបង្ហោះរូបវិញ្ញាសារច្បាស់មានហត្ថលេខាសង្ខេប (Griff) របស់រដ្ឋមន្ត្រីក្រសួងអប់រំយុវជន និងកីឡា ឬគ្មានហត្ថលេខាសង្ខេបក្តី អ.ប.ព. បានធ្វើកោសល្យវិច័យ ហើយឃើញថា ឯកសារទាំងនេះ ពិតជាដូចនឹងវិញ្ញាសារប្រឡងគណិតវិទ្យាថ្នាក់វិទ្យាសាស្ត្រ ប្រឡងថ្ងៃទី 29/08-2025 ម៉ោង 14:00 – 16:30 ប្រាកដមែន (ដូចពី 80% ទៅ 100%) ក្រុមការងារ អ.ប.ព. បានធ្វើការកោសលវិច័យលើគ្រប់ទម្រង់នៃ រូបថតដែលអះអាងថាជាវិញ្ញាសារបានទទួលព័ត៌មាន ទាំងនេះពីមិត្តភ័ក្របណ្តាញសង្គមទាំងនេះ ដូច្នេះក្រុមការងារ អ.ប.ព. សូមបន្តការសហការជាមួយមិត្តភ័ក្របណ្តាញសង្គមទាំងអស់ដើម្បីអាច ប្រមូលភ័ស្តុតាងបានគ្រប់ជ្រុងជ្រោយ។
ជាមួយគ្នានោះដែរ អង្គភាពប្រឆាំងអំពើពុករលួយបានលើកឡើងថា លទ្ធផលនេះបញ្ជាក់ច្បាស់បណ្តាញសង្គមមិនបានបង្ហោះករណីអ្វីដែលមិនពិតនោះទេ។ ទោះការបង្ហោះនូវវិញ្ញាសារគណិតវិទ្យាទាំងនេះ មិនមានកាលបរិច្ឆេទណា មុនពេលប្រឡងមុខវិទ្យាគណិត វិទ្យា(ប្រឡងហើយបានបែកធ្លាយ) ក៏ដោយ ក៏ ACUកំពុងពិចារណាលើរូបវិញ្ញាសារពិត 100% រូបច្បាស់ៗ គ្មានព្រាលៗ (មានអក្សរកាចណាស់) ដែលបានបង្ហោះ បង្ហាញមាន ហត្ថលេខាសង្ខេប (Griff) របស់រដ្ឋមន្ត្រី ក្រសួងអប់រំយុវជន និងកីឡា។
ACUបានលើកឡើងថា ប្រការនេះអាចមានន័យថា រូបនេះមិនត្រូវបានថតពេលដំណាក់កាលតាក់តែងវិញ្ញាសារពីគ្រូផ្សេងៗប្រមូលផ្តុំ និងជូនដល់ថ្នាក់ដឹកនាំក្រសួង១រូប(អនុរដ្ឋលេខាធិការ) ដើម្បីគោរពជូនរដ្ឋមន្ត្រី ពិនិត្យ និងសម្រេច ហើយមានហត្ថលេខាសង្ខេប។ ប៉ុន្តែក្រោយដំណាក់កាលរដ្ឋមន្ត្រីហើយ ដំណាក់កាលក្រោយៗនេះ សុទ្ធតែមានលទ្ធភាពបែកធ្លាយ (លួចថតបាន) ដូចជា ថតចម្លង នៅពេលបញ្ចូលក្នុងស្រោមសំបុត្រនីមួយៗចំនួន១០០សន្លឹក សម្រាប់៤ថ្នាក់ ។
បញ្ចូលវិញ្ញាសារ២០សន្លឹក ក្នុងស្រោមសំបុត្រដោយឡែកសម្រាប់បម្រុង ។ វេចខ្ចប់ចូលជាកញ្ចប់ ធំៗសម្រាប់មួយមណ្ឌលៗ ហើយដាក់ក្នុងហិបចាក់សោយកមករក្សាទុកនៅវិទ្យាស្ថានជាតិអប់រំ។
ACUបានលើកឡើងទៀតថា ព្រឹកថ្ងៃទី២៥ ខែសីហា ឆ្នាំ២០២៥ គណៈកម្មាធិការប្រឡងរៀបចំដឹកជញ្ជូនយកទៅខេត្តនានា ដែល អ.ប.ព. ចាប់ផ្តើមចូលរួមសង្កេតការណ៍ រហូតដល់ដំណាក់កាលបើកហិបវិញ្ញាសា កាត់ស្រោមវិញ្ញាសា និងចែកចាយវិញ្ញាសា។
អង្គភាពបានបញ្ជាក់ថា៖«ដំណាក់កាលបន្តមកទៀត អាចមានលទ្ធភាព លួចថតវិញ្ញាសាគណិតវិទ្យាបាន ពិសេសសម្រាប់ ថ្នាក់ណាដែលមានបេក្ខជនអវត្តមាន (មិន គ្រប់២៥ នាក់) ក្រដាសវិញ្ញាសាថ្មី មិនទាន់សរសេរឈ្មោះបេក្ខជនដែលសល់ ១ ឬ ២ សន្លឹក នោះ គឺជាកម្មវត្ថុដែលអ្នកណាដែ លមានទូរសព្ទដៃក្នុងបរិវេណមណ្ឌលប្រឡងជាអ្នកលួចថត បាន។ ដូចប្រិយមិត្តបណ្តាញសង្គមខ្លះ រៀបរាប់អ្នកមានសិទ្ធកាន់ទូរសព្ទចូលក្នុងមណ្ឌល បានរួមមាន៖ ប្រធានមណ្ឌល ប្រធានអប្បមាទ ប្រធានគណៈមេប្រយោគប្រចាំមណ្ឌល ប្រធានសន្តិសុខប្រចាំមណ្ឌល – មន្ត្រី ACU អ្នកសង្កេតការណ៍ ហើយក៏មានអ្នកគ្មាន សិទ្ធកាន់ទូរសព្ទចូល ក៏បានយកទូរសព្ទចូលមួយចំនួនដែរ»។
ជាមួយគ្នានោះដែរអង្គភាពក៏បានលើកពីការត្រូវពិចារណាគឺ ដូចគណនី Facebook ឡី សំបូរ និងគណនី Facebook សាយ សេងហ៊ង បានផ្សាយហើយថា គេមានដំណឹងពីការប ង្រៀនចម្លើយទាំងអស់នៃ វិញ្ញាសាគណិតវិទ្យាដូចគ្នានឹងវិញ្ញាសាគណិតវិទ្យាប្រឡងថ្ងៃទី 29/08-2025 – មុនថ្ងៃទី 29/08-2025។ នេះជាកម្មវត្ថុដ៏ធំមួយទៀតដើម្បី ACU ត្រូវធ្វើការទាំងថ្ងៃ ទាំងយប់។
សម្រាប់ការស្រាវជ្រាវករណីនេះដែរACU សង្ឃឹមថាក្នុងដំណាក់កាលបន្តទៅមុខទៀតនោះគឺ ចង់បានការសហការរួម គ្នាស្រាវជ្រាវ រួមគ្នាសិក្សាជាមួយមិត្តភ័ក្របណ្តាញសង្គ មទាំងអស់ជាពិ សេសជាមួយអ្នក ឈានមុខក្នុងការងារនេះ។ លើសពីនេះACU អាចធ្វើការទ្វេភាគី ឬជាក្រុមតែម្តងជាមួយមិត្តភ័ក្រ បណ្តាញសង្គម ដើម្បីស្រាវជ្រាវក រណីនេះដោយតម្លាភាព។ សង្ឃឹមថា មិត្តភ័ក្របណ្តាញសង្គមរបស់យើង សហការជាមួយ ACU ដោយរីករាយ។
សូមជម្រាបថាចំពោះការបំភ្លឺរបស់អង្គភាពប្រឆាំងអំពើពុករលួយនេះត្រូវបានសារទចំពោះបេក្ខជន ក៏ដូចជាអ្នកគ្រូលោកគ្រូ ដើម្បីផ្តល់ភាពយុត្តិធម៌ និងស្នើឲ្យអង្គភាពធ្វើស្រាវជ្រាវរហូតដល់ចាប់បានអ្នកដែលប្រព្រឹត្តិយកមកអនុវត្តតាមច្បាប់ ដើម្បីកុំឲ្យមានករណីនេះនៅពេលខាងមុខទៀត៕
ចែករំលែកព័តមាននេះ