ខេត្តបាត់ដំបង៖ មន្ត្រីតាមដានជំនន់ទឹកភ្លៀងបានឲ្យដឹងថា ក្រោយពីជំនន់ទឹកភ្លៀង បានហក់ឡើងមួយដង្ហើមចង្រិត ធ្វើឲ្យលិចលង់កំណាត់ផ្លូវនានា លិចស្ពាន និង លំនៅឋានរបស់ប្រជាពលរដ្ឋមួយចំនួនគួរឲ្យបារម្ភ ក្នុងស្រុកសំឡូត នៅព្រឹកថ្ងៃទី…
ខេត្តបាត់ដំបង៖ មន្ត្រីតាមដានជំនន់ទឹកភ្លៀងបានឲ្យដឹងថា ក្រោយពីជំនន់ទឹកភ្លៀង បានហក់ឡើងមួយដង្ហើមចង្រិត ធ្វើឲ្យលិចលង់កំណាត់ផ្លូវនានា លិចស្ពាន និង លំនៅឋានរបស់ប្រជាពលរដ្ឋមួយចំនួនគួរឲ្យបារម្ភ ក្នុងស្រុកសំឡូត នៅព្រឹកថ្ងៃទី ៣១ សីហា នាប៉ុន្មានម៉ោងក្រោយ ជំនន់ទឹកភ្លៀងនេះបានថមថយវិញយ៉ាងឆាប់រហ័ស តែបានបន្សល់ទុកខ្លះៗនូវស្លាកស្នាមខូចខាតផ្លូវថ្នល់ ជាពិសេសស្ពានទ្រុឌទ្រម ដែលពលរដ្ឋមិនអាចឆ្លងបាន។ គួររំលឹកថា ជំនន់ទឹកភ្លៀងកំពុងគំរា.មកំហែងស្ពានផ្លូវថ្នល់និងផ្ទះប្រជាពលរដ្ឋនៅស្រុកសំឡូត
លោក ម៉ែន រីម អធិការស្រុកសំឡូត បានផ្ដល់ព័ត៏មានថា ភ្លៀងប៉ុន្មានថ្ងៃកន្លងមកនេះ ធ្វើឲ្យមានជំនន់ទឹកភ្លៀងកើតឡើង។ ជាពិសេសភ្លៀងបានបង្អោរខ្លាំងស្ទើរពេញមួយយប់ នៅយប់មិញនេះតែម្ដង។ ប៉ុន្តែលោកថា ជំនន់ទឹកភ្លៀងនេះ បានហក់ឡើងខ្លាំងនៅព្រឹកថ្ងៃទី ៣១ សីហា នេះ ដែលធ្វឲ្យជន់លិចលើកំណាត់ផ្លូវខ្លះៗ លិចផ្ទះសម្បែងប្រជាពលរដ្ឋមួយចំនួន និង លិចខូចខាតស្ពាន ដែលភាគច្រើនប៉ះពាល់ហេដ្ឋារចនាសម្ព័ន្ធផ្លូវ ស្ពាន នៅក្នុងឃុំតាតោក។
បើតាមប្រភពប្រជាពលរដ្ឋបាននិយាយថា ស្ពានដែកបេឡេហៅស្ពាន«ចង្ហូរថ្ម» នៅឃុំតាតោក ខូចខាតធ្ងន់ធ្ងរជាងគេ ដោយសារតែស្ពាន់ដែកមួយ បាក់ខុចខាតដោយសារតែរថយន្តដឹកខ្សាច់លើសទម្ងន់ ធ្វើឲ្យខូចខាតកាលពីរដូវប្រាំង ហើយមិនព្រមជួសជុលឡើងវិញ។
ដោយឡែក ស្ពានឈើរ ហៅ «ស្ពានអូរក្រូច» ស្តិក្នុងឃុំតាតោក ដែរក៏រងការខូចខាតដែរ ក្រោមស្នាដៃរថយន្តដឹកបទល្មើសព្រៃឈើររបស់«យាយមាន់» កាលពីប្រាំងមិញដូចគ្នា តែស្ពានអូរក្រូចនេះ ត្រូវបានអាជ្ញាធរ ជួសជុលឡើងវិញ ក្រោមការជួយឧបត្ថម្ភខ្លះៗពីយាយមាន់។
អធិការស្រុកសំឡូត លោក ម៉ែន រីម ដែលបានដឹកនាំកម្លាំងចុះពិនិត្យស្ថានភាពទឹកជំនន់ផ្ទាល់ បានប្រាប់ថា គិតត្រិមម៉ោង១១ថ្ងៃត្រង់ ថ្ងៃដដែលនេះ ស្ថានភាពទឹកបានស្រកចុះច្រើនហើយ។ ស្ពានចង្ហូរថ្ម ដែលខូចខាតធ្ងន់ធ្ងរ និង មិនអាចឆ្លងបាននៅព្រឹកមិញនេះ ពេលនេះអាចឆ្លងបានហើយ តែមិនមែនធ្វើដំណើរឆ្លងកាត់លើស្ពានទេ គឺ ឆ្លងកាត់ទឹកអូរ ផ្នែកខាងលើស្ពាន។
លោកអធិការបានបញ្ជាក់ថា កម្លាំងសមត្ថកិច្ច បានជួយសែងម៉ូតូ ឬ អីវ៉ាន់ផ្សេងៗឆ្លងទឹកអូរពីត្រើយម្ខាង ទៅត្រើយម្ខាង ខុសពីពេលព្រឹក ដែលមិនអាចដើរឆ្លងទឹកបានឡើយ តែពុំមានគ្រោះថ្នាក់ដល់មនុស្សទេ។
យ៉ាងណាក្ដី ពេលនេះជំនន់ទឹកភ្លៀងបានស្រកចុះពីស្រុកសំឡូត ប៉ែកខាងលើ នៃដងស្ទឹងសង្កែ តែអាចនឹងហក់ឡើងនៅប៉ែកខាងក្រោម នៃដងស្ទឹងសង្កែ នាថ្ងៃបន្ទាប់។ ដូច្នេះប្រជាពលរដ្ឋដែលរស់នៅតាមដងស្ទឹងសង្កែ គូរតែមានការប្រុងប្រយ័ត្ន ចំពោះជំនន់ទឹកភ្លៀងដែលឥតព្រៀងទុកនេះ៕
ចែករំលែកព័តមាននេះ