ខេត្តប៉ៃលិន ៖ ស្នងការដ្ឋាននគរបាលខេត្តប៉ៃលិន បានប្រកាសនាយប់ថ្ងៃទី៣១ ខែសីហានេះថា ៖ ស្នងការនគរបាលខេត្តប៉ៃលិន ជំរុញឱ្យកងកម្លាំងត្រៀមលក្ខណៈឱ្យបានគ្រប់គ្រាន់ ដើម្បីជួយសង្គ្រោះប្រជាពលរដ្ឋទៅកាន់ទីទួលដែលមានសុវត្ថិភាព ខណៈមានភ្លៀងភ្លៀងធ្លាក់មួយមេធំ…
ខេត្តប៉ៃលិន ៖ ស្នងការដ្ឋាននគរបាលខេត្តប៉ៃលិន បានប្រកាសនាយប់ថ្ងៃទី៣១ ខែសីហានេះថា ៖ ស្នងការនគរបាលខេត្តប៉ៃលិន ជំរុញឱ្យកងកម្លាំងត្រៀមលក្ខណៈឱ្យបានគ្រប់គ្រាន់ ដើម្បីជួយសង្គ្រោះប្រជាពលរដ្ឋទៅកាន់ទីទួលដែលមានសុវត្ថិភាព ខណៈមានភ្លៀងភ្លៀងធ្លាក់មួយមេធំ ។
លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន អញ្ជើញចុះត្រួតពិនិត្យស្ថានភាពទឹកស្ទឹងបរយ៉ាខាបានឡើងខ្ពស់ ក្រោយមានភ្លៀងធ្លាក់ចំនួនមួយមេធំ ។
នៅថ្ងៃអាទិត្យទី៣១ ខែសីហា ឆ្នាំ២០២៥ ដោយស្របតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន បានដឹកនាំមន្ត្រីក្រោមឱវាទ អញ្ជើញចុះត្រួតពិនិត្យស្ថានភាពទឹកស្ទឹងបរយ៉ាខាបានឡើងខ្ពស់ ក្រោយមានភ្លៀងធ្លាក់ចំនួនមួយមេធំ និងបានដឹកនាំកម្លាំងចុះជួយសង្គ្រោះប្រជាពលរដ្ឋនៅតាមបណ្តោយស្ទឹងដែលរងផលប៉ះពាល់ដោយទឹកជំនន់ ស្ថិតនៅសង្កាត់បរយ៉ាខា ក្រុងប៉ៃលិន ខេត្តប៉ៃលិន ។
ក្នុងនោះដែរ លោកឧត្តមសេនីយ៍ ស្នងការ បាន ដាក់វិធានការដល់កម្លាំង«ខ» អន្តរាគមន៍ នៃស្នងការដ្ឋាននគរបាលខេត្ត និងអធិការដ្ឋាននគរបាលក្រុង/ស្រុក អោយត្រៀមលក្ខណៈឱ្យបានគ្រប់គ្រាន់ ទាំងកម្លាំង និងសម្ភារៈមធ្យោបាយ ដើម្បីដោះស្រាយត្រៀមជួយសង្គ្រោះប្រជាពលរដ្ឋទៅកាន់ទីទួលសុវត្ថិភាពឱ្យបានទាន់ពេលវេលា ៕
ចែករំលែកព័តមាននេះ