ប្រទេសជប៉ុន ៖ នៅក្នុងវ័យ២៣ឆ្នាំ កីឡាការិនីបាល់ទះក្រុមជម្រើសជាតិជប៉ុន Yoshino Sato មិនត្រឹមតែទទួលបានការចាប់អារម្មណ៍ខ្លាំងពីសំណាក់មហាជនលើទម្រង់លេងដ៏ល្អ និងពោរពេញដោយទេពកោសល្យរបស់នាងប៉ុណ្ណោះទេ ប៉ុន្តែថែមទាំងបានឈ្នះចិត្តអ្នកគាំទ្រជាមួយនឹងរូបសម្រស់ដ៏ស្រស់ស្អាតរបស់នាងផងដែរ រហូតដល់អ្នកគាំទ្រភាគច្រើនបានហៅនាងថា…
ប្រទេសជប៉ុន ៖ នៅក្នុងវ័យ២៣ឆ្នាំ កីឡាការិនីបាល់ទះក្រុមជម្រើសជាតិជប៉ុន Yoshino Sato មិនត្រឹមតែទទួលបានការចាប់អារម្មណ៍ខ្លាំងពីសំណាក់មហាជនលើទម្រង់លេងដ៏ល្អ និងពោរពេញដោយទេពកោសល្យរបស់នាងប៉ុណ្ណោះទេ ប៉ុន្តែថែមទាំងបានឈ្នះចិត្តអ្នកគាំទ្រជាមួយនឹងរូបសម្រស់ដ៏ស្រស់ស្អាតរបស់នាងផងដែរ រហូតដល់អ្នកគាំទ្រភាគច្រើនបានហៅនាងថា «រាជនីសម្រស់ថ្មីនៃបាល់ទះជប៉ុន»។
អំឡុងការប្រកួតជើងឯកបាល់ទះនារីកម្រិតពិភពលោក FIVB Women’s Volleyball World Championship ឆ្នាំ២០២៥ ដែលធ្វើឡើងនៅប្រទេសថៃ ចាប់ពីថ្ងៃទី២២ ខែសីហា រហូតដល់ថ្ងៃទី៧ ខែកញ្ញានោះ ឈ្មោះកីឡាការិនី Yoshino Sato កំពុងក្លាយជាចំណុចកណ្តាលនៃការចាប់អារម្មណ៍របស់អ្នកគាំទ្របាល់ទះពិភពលោក។ មិនត្រឹមតែភាពលេចធ្លោខ្លាំងនៃរូបសម្រស់របស់នាងប៉ុណ្ណោះ ប៉ុន្តែ Sato ក៏បង្ហាញទម្រង់លេងដ៏រឹងមាំ និងជំនាញដ៏ប៉ិនប្រសប់បំផុតរបស់នាងលើទីលានផងដែរ និងរួមចំណែកយ៉ាងសំខាន់ជួយជប៉ុនឡើងដល់វគ្គ១៦ក្រុមចុងក្រោយ។
កើតនៅថ្ងៃទី១២ ខែវិច្ឆិកា ឆ្នាំ២០០៣ នៅទីក្រុងឈីបា (Chiba) ហើយបច្ចុប្បន្នកំពុងតែប្រកបអាជីពជាមួយក្លិប NEC Red Rockets Kawasaki កីឡាការិនី Sato ដែលមានកម្ពស់ ១.៧៨ម៉ែត្របានចាប់ផ្តើមលេងបាល់ទះតាំងពីនៅថ្នាក់វិទ្យាល័យមកម្ល៉េះ។ គុណសម្បត្តិនៃកាយសម្បទា បូករួមទាំងភាពរហ័សរហួនរបស់នាងបានជួយឱ្យនាងរកឃើញភាពខ្លាំងរបស់ខ្លួន និងអភិវឌ្ឍទេពកោសល្យដែលស្រាប់រហូតក្លាយជាកីឡាការិនីអាជីព រហូតត្រូវបានកោះហៅក្រុមជម្រើសជាតិជប៉ុនថែមទៀតផង។
នៅក្នុងតួនាទីជាអ្នកផ្តាច់ស្លាប (Outside Hitter) ដែលតួនាទីទាមទារសមត្ថភាពវាយលុក និងការពារដ៏រឹងមាំនោះ កីឡាការិនី Sato បានបង្ហាញពីទម្រង់លេងដ៏ល្អតបតាមបាល់ទះសម័យទំនើប ដោយមកជាមួយទាំងការលោត ការការពារដ៏រឹងមាំ ការវាយផ្តាច់ដ៏ល្អ និងចំគោលដៅ ក៏ដូចជាសមត្ថភាពក្នុងការផ្លាស់ប្តូរស្ថានការណ៍នៃការប្រកួតភ្លាមៗផងដែរ។ ទាំងនេះហើយបានធ្វើឱ្យនាងទទួលបានការទុកចិត្តខ្លាំងពីគ្រូបង្វឹក និងមិត្តរួមក្រុមក្នុងការធ្វើដំណើរដើម្បីយកឈ្នះការប្រកួតពានរង្វាន់កម្រិតកំពូលពិភពលោក។
មិនត្រឹមតែខ្លាំងនៅលើទីលានប្រកួតប៉ុណ្ណោះទេ ប៉ុន្តែស្នាមញញឹមដ៏ស្រស់ស្អាត បុគ្គលិកលក្ខណៈជាមួយភាពរួសរាយរាក់ទាក់ និងស្មារតីប្រកួតប្រជែងដ៏ខ្លាំងក្លារបស់ Sato បានជួយឱ្យនាងក្លាយជាមនុស្សជាទីស្រឡាញ់យ៉ាងឆាប់របស់អ្នកគាំទ្រផងដែរ។ តួយ៉ាង នៅលើបណ្តាញទំនាក់ទំនងសង្គម រូបភាពផ្សេងៗ ជាពិសេសសកម្មភាពប្រកួតប្រជែងរបស់នាងបានផ្ទុះឡើងយ៉ាងឆាប់រហ័ស ដែលបានប្រែក្លាយ Sato ប្រៀបទៅជាតារាវ័យក្មេងម្នាក់នៃសហគមន៍បាល់ទះទ្វីបអាស៊ី។
អ្នកគាំទ្រជឿជាក់ថា កីឡាការិនី Yoshino Sato កំពុងដើរលើផ្លូវឈានទៅដល់កំពូលនៃអាជីពរបស់នាង ប្រសិនបើនាងអាចបន្តរក្សាទម្រង់លេងដ៏ល្អបែបនេះ និងស្មារតីប្រយុទ្ធរបស់នាង។ នាងមិនត្រឹមតែជាក្តីសង្ឃឹមថ្មីរបស់កីឡាបាល់ទះជប៉ុនប៉ុណ្ណោះទេ ប៉ុន្តែថែមទាំងអាចក្លាយទៅជាមុខមាត់តំណាងសហគមន៍បាល់ទះអាស៊ីម្នាក់ផងដែរ៕ ប្រភព ៖ Znews
ចែករំលែកព័តមាននេះ