រាជធានីភ្នំពេញ ៖ ក្រសួងអប់រំ យុវជន និងកីឡា បានប្រកាសនាថ្ងៃទី២៦ ខែសីហានេះថា ៖ ការចុះពិនិត្យមណ្ឌលប្រឡង ត្រៀមសម្រាប់ការប្រឡងសញ្ញាបត្រមធ្យមសិក្សាទុតិយភូមិ…
រាជធានីភ្នំពេញ ៖ ក្រសួងអប់រំ យុវជន និងកីឡា បានប្រកាសនាថ្ងៃទី២៦ ខែសីហានេះថា ៖ ការចុះពិនិត្យមណ្ឌលប្រឡង ត្រៀមសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ ។
ថ្នាក់ដឹកនាំក្រសួងអប់រំ យុវជន និងកីឡា អមដំណើរដោយអង្គភាពប្រឆាំងអំពើពុករលួយ បានចុះពិនិត្យស្ថានភាពតាមមណ្ឌលប្រឡងត្រៀម សម្រាប់ដំណើរការសំណេរការប្រឡងសញ្ញាបត្រមធ្យមសិក្សាទុតិយភូមិ ដែលនឹងប្រព្រឹត្តទៅក្នុងពេលឆាប់ខាងមុខ ដើម្បីឱ្យការប្រឡងប្រព្រឹត្តទៅដោយរលូន គោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ។
ការចុះពិនិត្យមណ្ឌលប្រឡងនេះ ត្រូវបានធ្វើឡើង ដើម្បីធានាបានថាមណ្ឌលប្រឡងមានបរិស្ថានល្អអំណោយផល មិនមានការបង្កសំឡេងរំខាន មានហេដ្ឋារចនាសម្ព័ន្ធរឹងមាំល្អ ផ្តល់នូវសុខសុវត្ថិភាពក្នុងដំណើរការសំណេរ ។
មណ្ឌលប្រឡងនីមួយៗត្រូវបំពេញបាននូវស្តង់ដាដែលបានកំណត់ដោយក្រសួងអប់រំ យុវជន និងកីឡា ។ មណ្ឌលប្រឡងនីមួយៗចាំបាច់ត្រូវមានហេដ្ឋារចនាសម្ព័ន្ធរឹងមាំគ្រប់គ្រាន់ដូចជា តុ កៅអី ក្កាខៀន ទ្វា បង្អួច មានបំពាក់ឧបករណ៍បំពងសំឡេង អគ្គីសនី បន្ទប់ទឹក បន្ទប់សង្គ្រោះបឋម និងបន្ទប់ប្រឡងសម្រាប់បេក្ខជនមានបញ្ហាសុខភាព ។ បន្ទប់ប្រឡងត្រូវមានពន្លឺចេញចូល មានដំបូលរឹងមាំជិតល្អ មិនមានផលប៉ះពាល់ករណីមានភ្លៀងធ្លាក់ជាដើម ៕
ចែករំលែកព័តមាននេះ