ខេត្តបន្ទាយមានជ័យ ៖ ប្រជាពលរដ្ឋរាប់ពាន់នាក់ បាននាំគ្នាមកតាមដានសកម្មភាពទាហានថៃមិនឱ្យដាក់លួសបន្លាបន្ថែម នៅថ្ងៃទី២៦ ខែសីហា ឆ្នាំ២០២៥ ស្ថិតនៅភូមិជោគជ័យ ឃុំអូរបីជាន់ ស្រុកអូរបីជាន់។…
ខេត្តបន្ទាយមានជ័យ ៖ ប្រជាពលរដ្ឋរាប់ពាន់នាក់ បាននាំគ្នាមកតាមដានសកម្មភាពទាហានថៃមិនឱ្យដាក់លួសបន្លាបន្ថែម នៅថ្ងៃទី២៦ ខែសីហា ឆ្នាំ២០២៥ ស្ថិតនៅភូមិជោគជ័យ ឃុំអូរបីជាន់ ស្រុកអូរបីជាន់។
លោក តុល សារិន មេឃុំអូរបីជាន់បានប្រាប់ថា ថ្ងៃនេះប្រជាពលរដ្ឋមានរាប់ពាន់នាក់មកពីក្រុមទិសទីមកតាមដានសកម្មភាពទាហានថៃ ដែលលួចមកដាក់លួសបន្លារំលោភអធិបតេយ្យភាពកម្ពុជា កាលថ្ងៃទី២៥ ខែសីហា ឆ្នាំ២០២៥ នៅចំណុចខាងត្បូងខាងលិចជាង១០០ម៉ែត្រពីកន្លែងចាស់ ស្ថិតភូមិជោគជ័យ ។
លោកបញ្ជាក់ថា នៅពេលដែលប្រជាពលរដ្ឋនាំគ្នាតាមដានសកម្មភាពការពារទាហានថៃមិនអោយមកដាកលួសបន្លា ហើយទទួលព័ត៌មានថា មានពលរដ្ឋថៃជាច្រើននាក់ដូចគ្នាដែលបម្រុងមកព្រំដែនភូមិសាស្ត្រណង់ចាន់ តែត្រូវបានកងកម្លាំងដាក់ប៉ុស្តិ៍ហាមឃាត់២គោលដៅដែលប្រមាណ៥០០ម៉ែត្រពីព្រំដែនកម្ពុជា-ថៃ ហើយស្នូរចាក់ធុងបាស់។
លោក កែវ តារ៉ារស្មី អភិបាលស្រុកអូរជ្រៅបានកោតសសើរចំពោះស្មារតីបងប្អូនប្រជាពលរដ្ឋថ្ងៃនេះ រាប់ពាន់នាក់បាននាំគ្នាមកតាមដានសកម្មភាពការពារមិនអោយទាហានថៃមកឈ្លានពានអធិបតេយ្យភាពកម្ពុជា ដើម្បីរួមគ្នាការពារបូរណៈទឹកដីនិងមាតុភូមិកម្ពុជា ។
ចែករំលែកព័តមាននេះ