ខេត្តកោះកុង ៖ រដ្ឋបាលខេត្តកោះកុង បានប្រកាសនារសៀលថ្ងៃទី២៦ ខែសីហានេះថា ៖ ច្រកទ្វារព្រំដែនអន្តរជាតិចាំយាម ស្ថានភាពច្រកមានសភាពស្ងប់ស្ងាត់ធម្មតា អ្នកដំណើរមានលិខិតឆ្លងដែន ប័ណ្ណព្រំដែន…
ខេត្តកោះកុង ៖ រដ្ឋបាលខេត្តកោះកុង បានប្រកាសនារសៀលថ្ងៃទី២៦ ខែសីហានេះថា ៖ ច្រកទ្វារព្រំដែនអន្តរជាតិចាំយាម ស្ថានភាពច្រកមានសភាពស្ងប់ស្ងាត់ធម្មតា អ្នកដំណើរមានលិខិតឆ្លងដែន ប័ណ្ណព្រំដែន ពលករ និងអ្នកជំងឺចូលមកខ្មែរបានធម្មតា ។
រដ្ឋបាលខេត្តកោះកុង បានបន្តថា មន្ត្រីចត្តាឡីស័កបានធ្វើការ ត្រួតពិនិត្យ តាមដាន ស្រាវជ្រាវរកជំងឺឆ្លងលើអ្នកដំណើរ ដែលឆ្លងកាត់តាមព្រំដែន ពិនិត្យកម្ដៅអ្នកដំណើរចូល អប់រំផ្សព្វផ្សាយអំពីការបង្ការជំងឺឆ្លងមន្ត្រីចត្តាឡីស័ក និងអាជ្ញាធរពាក់ព័ន្ធនៅដែនសមត្ថកិច្ចជួយសម្របសម្រួលដល់បងប្អូនប្រជាជនខ្មែរដែលវិលត្រលប់មកវិញ ក្រុមការងារចត្តាឡីស័ក បានទទួលស្វាគមន៍រាក់ទាក់ និងយកចិត្តទុកដាក់ចំពោះបងប្អូនប្រជាជនខ្មែរដែលវិលត្រលប់ចូលមកប្រទេសវិញ ។
ក្រុមគ្រូពេទ្យនៃមន្ទីរពេទ្យជាតិ តេជោសន្តិភាព បានពិនិត្យសុខភាពជូនពលករខ្មែរដែលចូលប្រទេសវិញ ច្រកទ្វារព្រំដែនអន្តរជាតិចាំយាមចាប់បើកនៅម៉ោង៩:០០ និងបិទនៅម៉ោង១៦:០០នាទី ៕
ចែករំលែកព័តមាននេះ