អាមេរិក-កូរ៉េខាងជើង ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី២៥ សីហា បានលើកពីសំណុំរឿងកូរ៉េខាងជើង ដោយថ្លែងថា លោកចង់ជួបជាថ្មីជាមួយលោកគីមជុងអ៊ុន អាចក្នុងឆ្នាំនេះ។…
អាមេរិក-កូរ៉េខាងជើង ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី២៥ សីហា បាន
លើកពីសំណុំរឿងកូរ៉េខាងជើង ដោយថ្លែងថា លោកចង់ជួបជាថ្មីជាមួយលោកគីមជុងអ៊ុន អាចក្នុងឆ្នាំនេះ។
ការប្រកាសនោះ របស់លោកធ្វើឡើង ក្នុងឱកាសនៃទស្សនកិច្ចនៅសេតវិមាន របស់ប្រធានាធិបតីកូរ៉េខាងត្បូងលោកLEE JAE MYUNGពេលជួបពិភាក្សាទល់មុខគ្នាជាមួយលោក ដែលចាប់ផ្ដើមដំបូងក្នុងភាពតានតឹង មុនពេលវិលមករកភាពសម្របសម្រួលគ្នាវិញ។
ប៉ុន្មានម៉ោងមុនការជួបគ្នានោះ ប្រធានាធិបតីអាមេរិកបានបរិហារដោយនឹកស្មានមិនដល់ ពីការកម្ចាត់ឬបដិវត្តន៍មួយនៅកូរ៉េខាងត្បូង ដោយចង់សំដៅលើប្រតិបត្តិការរបស់ប៉ូលិសប្រឆាំងបណ្ដាព្រះវិហារ។ ប៉ុន្តែបន្ទាប់ពីការពិភាក្សាគ្នាអស់ពេល៤០នាទីនៅការិយាល័យពងក្រពើនៃសេតវិមាន វោហាសាស្ត្ររ៉ាឌីកាល់ត្រូវបានដូរ។ លោកត្រាំមានប្រសាសន៍ថា ខ្ញុំជឿថានោះគ្រាន់ជាការមិនយល់គ្នាមកពីបណ្ដាពាក្យចចាមអារ៉ាម។
ស្ដីពីកូរ៉េខាងជើងមេដឹកនាំទាំង២លើកឡើងពីយោបល់ស្របគ្នា ទោះបីមានភាពរសើបខាងនយោបាយខុសៗគ្នាក្ដី។ លោកLEE JAE MYUNG ជាប្រមុខរដ្ឋចាត់ទុកថាធ្វេងនិយម គាំទ្រឲ្យមានការចរចាជាមួយកុូរ៉េខាងជើង ជាជំហរមួយដែលលោកត្រាំហាក់ប្រកាន់យកដែរ។
លោកត្រាំបានរំឭកពីការខិតចូលជិតគ្នាជាបុគ្គលជាមួយលោកគីមជុងអ៊ុន ដោយធ្លាប់បានជួបគ្នា៣លើក រវាងឆ្នាំ២០១៨ទៅ២០១៩។ លោកថា ក្នុងពេលណាមួយលោកនឹងបានជួបគ្នាទៀតខ្ញុំទន្ទឹងរង់ចាំ។ លោកសង្ឃឹមថា ការជួបគ្នាមួយអាចមានក្នុងឆ្នាំនេះ។ លោកក៏គូសបញ្ជាក់ផងដែរថា កូរ៉េខាងជើងបានបាញ់សាកល្បងមីសីុលតិចចាប់តាំងពីលោកវិលចូលសេតវិមានវិញមក៕
ចែករំលែកព័តមាននេះ