ខាងក្រោមនេះ យើងខ្ញុំនឹងបង្ហាញអ្នកពីអាហារដែលអ្នកចូលចិត្តចូលគេងយប់ជ្រៅគួរតែញ៉ាំ ដើម្បីសុខភាព។ តើមានអ្វីខ្លះទៅ? អ្នកដែលតែងតែធ្វើការដល់យប់ជ្រៅទើបគេង គួរតែញ៉ាំអាហារថ្ងៃត្រង់ អាហារពេលល្ងាច អាហារពេលយប់ ត្រី ស៊ុត…
ខាងក្រោមនេះ យើងខ្ញុំនឹងបង្ហាញអ្នកពីអាហារដែលអ្នកចូលចិត្តចូលគេងយប់ជ្រៅគួរតែញ៉ាំ ដើម្បីសុខភាព។ តើមានអ្វីខ្លះទៅ?
អ្នកដែលតែងតែធ្វើការដល់យប់ជ្រៅទើបគេង គួរតែញ៉ាំអាហារថ្ងៃត្រង់ អាហារពេលល្ងាច អាហារពេលយប់ ត្រី ស៊ុត ផលិតផលដែលធ្វើពីសណ្តែក និងទឹកដោះគោ ព្រោះអាហារទាំងនេះ អាចជួយផ្តល់សារធាតុចិញ្ចឹមដល់រាងកាយអ្នក។ ជាពិសេស បន្ទប់ការងាររបស់អ្នក ត្រូវតែមានខ្យល់អាកាសចេញចូល ទើបមិនធ្វើឲ្យខួរក្បាលអ្នកខ្វះអុកស៊ីសែន។
អ្នកដែលចូលគេងយប់ជ្រៅ គួរតែប៉ូវវីតាមីនឲ្យបានគ្រប់ ដូចជាវីតាមីនA និងវីតាមីនB។ វីតាមីនA នឹងអាចជួយការពារភ្នែកអ្នកបានយ៉ាងល្អ។ ចំណែកវីតាមីនB នឹងជួយការពារសរសៃភ្នែករបស់អ្នក ធ្វើឲ្យភ្នែកអ្នកមើលបានច្បាស់។ ដូចនេះ អ្នកគួរតែបរិភោគការ៉ុត ប៉េងប៉ោះ ល្ងរខ្មៅ និងផលិតផលធ្វើពីសណ្តែកសៀង ព្រមទាំងទឹកដោះគោស្រស់ផងដែរ។
វីតាមីនសេ ក៏អ្នកគួរតែពិសារដែរ ព្រោះវីតាមីនមួយនេះ អាចជួយការពារស្បែកអ្នកមិនឲ្យខូចព្រោះតែអ្នកតែងចូលគេងយប់ជ្រៅ។ ដូចនេះ ចំពោះអ្នកដែលចូលចិត្តចូលគេងយប់ជ្រៅ ត្រូវតែញ៉ាំក្រូច និងទំពាំងបាយជូរឲ្យបានច្រើន ទើបអាចជំនួយដល់ស្បែករបស់អ្នក។
បើអ្នកតែងចូលគេងយប់ជ្រៅ កាហ្វេ និងតែ មិនគួរញ៉ាំឡើយ ព្រោះអាចធ្វើឲ្យប៉ះពាល់ដល់សតិអារម្មណ៍របស់អ្នក ដោយធ្វើឲ្យអ្នកមិនអាចគេងលក់ស្រួលបានឡើយក្រោយពេលដែលអ្នកបំពេញការងាររួច។ ដូចនេះ អ្នកគួរតែប្រយ័ត្នឲ្យបានខ្ពស់ ទើបសុខភាពអ្នកមិនត្រូវបានបំផ្លាញព្រោះតែគេងយប់ជ្រៅ៕
ចែករំលែកព័តមាននេះ