ខេត្តសៀមរាប ៖ បើតាមប្រសាសន៍របស់លោក អៀង ពិសិដ្ឋ អភិបាល នៃគណៈអភិបាលស្រុកស្វាយលើ បានប្រាប់ភ្នាក់ងារកោះសន្តិភាពតាមតេលេក្រាម កាលពីវេលាម៉ោង៨និង៣០នាទីយប់ថ្ងៃទី១៦ ខែកញ្ញា…
ខេត្តសៀមរាប ៖ បើតាមប្រសាសន៍របស់លោក អៀង ពិសិដ្ឋ អភិបាល នៃគណៈអភិបាលស្រុកស្វាយលើ បានប្រាប់ភ្នាក់ងារកោះសន្តិភាពតាមតេលេក្រាម កាលពីវេលាម៉ោង៨និង៣០នាទីយប់ថ្ងៃទី១៦ ខែកញ្ញា ឆ្នាំ២០២៥ នេះថា ស្ថានភាពទឹកនៅស្ទឹងភ្នំគូលែន បានស្រកបណ្តើរ ហើយនៅវេលាម៉ោង ៩ ព្រឹកថ្ងៃទី១៦ ខែកញ្ញា ឆ្នាំ២០២៥ នៅសល់ទឹកកន្លែងលិង្គ១០០០ មិនទាន់ស្រកអស់នៅឡើយទេ ខណៈមានភ្លៀងធ្លាក់ខ្លាំងជាប់គ្នារយៈពេល២ថ្ងៃ គឺថ្ងៃទី១៤-១៥ ខែកញ្ញា ឆ្នាំ២០២៥ ទើបបណ្តាលឱ្យលិច លង់កាត់តាមផ្លូវបេតុង និងដល់តូចលក់ដូររបស់បងប្អូនអាជីវករ លើខ្នងភ្នំគូលែន និងធ្វើឱ្យប៉ះពាល់ផល ដំណាំ និងផ្ទះសំបែងរបស់បងប្អូនប្រជាពលរដ្ឋផងដែរ ។
លោកបានបញ្ជាក់ថា ពាក់ព័ន្ធនឹងស្ថានភាពទឹកនៅទីនេះ គឺបានស្រកពិតមែន ទឹកនៅផ្នែកអូរ ខាងលើនៅមិនទាន់ស្រក ព្រោះវានៅហូរធ្លាក់មកតំបន់ទឹកធ្លាក់ និងតំបន់លិង្គ១០០០ នេះ ។ ដូច្នេះ ដើម្បីបង្ការគ្រោះជាយថាហេតុណាមួយ គឺការចុះលេងទឹកនេះ មិនទាន់អនុញ្ញាតឱ្យបងប្អូន ប្រជាពលរដ្ឋ ភ្ញៀវទេសចរជាតិនិងអន្តរជាតិ ចុះលេងទឹក បាននៅឡើយទេ ។
លោកបន្ថែមទៀតថា ចំពោះ កន្លែងលក់ដូរ ខ្យូសអង្គុយ ពិសាអីនោះ នោះ លោកបានអនុញ្ញាតឱ្យបើកដំណើរការលក់ដីរធម្មតាវិញហើយ ។ លោកបញ្ជាក់ទៀតថា ក្រោយជំនន់ជន់ចូលកាលពីថ្ងៃទី១៥ ខែកញ្ញា ឆ្នាំ២០២៥ រហូតមកដល់ព្រឹកថ្ងៃទី១៦ ខែកញ្ញា ឆ្នាំ២០២៥ ទឹកបានស្រកមកកម្រិតធម្មតាវិញហើយ ដោយសារពុំមានភ្លៀងនៅផ្នែកខាងលើ ហើយមានផលប៉ះពាល់មួយចំនួននៅតំបន់បេតិកភណ្ឌ បណ្តាលឱ្យច្រោះដីតាមមាត់ស្ទឹង ដែលជាកន្លែងភ្លៀវទស្សនា ហ្នឹងធ្វើឱ្យដួលបាក់បង្គោលដាច់ខ្សែ ទើបលោកបានចាត់ក្រុមការងារភ្នាក់ងារអភិរក្ស តាមប្រាសាទ ឱ្យរៀបចំឡើងវិញ ដើម្បីឱ្យមានសោភ័ណ្ឌភាពល្អ ប្រសើរឡើងវិញ នេះត្រង់ចំណុចសិវលិង្គធំមួយ ។
សូមបញ្ជាក់ផងដែរថា ករណីទឹកលិចលង់ នៅលើខ្នងភ្នំគូលែន ដែលមានភ្លៀងធ្លាក់ខ្លាំងជាប់គ្នា នោះ គឺមានពិតប្រាកដមែន គឺរយៈពេល៣ទៅ៥ឆ្នាំ ទើបមានលិចលង់ម្តងហើយ ក៏មិនមាន លិចខ្លាំងដូចឆ្នាំនេះដែរ។នេះបើតាមសម្តីរបស់លោក អៀង ពិសិដ្ឋ អភិបាល នៃគណៈអភិបាលស្រុកស្វាយលើ ៕
ចែករំលែកព័តមាននេះ