យោងតាមមន្ទីរពេទ្យកាល់ម៉ែត បានឱ្យដឹងថាជំងឺខ្សោយតម្រងនោមកម្រិតធ្ងន់ ជាការថយចុះនូវសមត្ថភាពការងាររបស់តម្រងនោមតិចជាង ៣០មិលី្លលីត្រ/១នាទី/១,៧៣ម៉ែត្រការ៉េ (Glomerular filtration rate < 30ml/mn/1,73m2)។ ក្នុងករណីនេះអ្នកជំងឺត្រូវមានការប្រុងប្រយ័ត្នខ្ពស់ទៅលើរបបអាហារបន្ថែមពីលើការប្រើប្រាស់ថ្នាំទៀងទាត់ដើម្បីកាត់បន្ថយគ្រោះថ្នាក់ផ្សេងៗ…
យោងតាមមន្ទីរពេទ្យកាល់ម៉ែត បានឱ្យដឹងថាជំងឺខ្សោយតម្រងនោមកម្រិតធ្ងន់ ជាការថយចុះនូវសមត្ថភាពការងាររបស់តម្រងនោមតិចជាង ៣០មិលី្លលីត្រ/១នាទី/១,៧៣ម៉ែត្រការ៉េ (Glomerular filtration rate < 30ml/mn/1,73m2)។
ក្នុងករណីនេះអ្នកជំងឺត្រូវមានការប្រុងប្រយ័ត្នខ្ពស់ទៅលើរបបអាហារបន្ថែមពីលើការប្រើប្រាស់ថ្នាំទៀងទាត់ដើម្បីកាត់បន្ថយគ្រោះថ្នាក់ផ្សេងៗ ជាយថាហេតុ (ការឡើងសំពាធឈាម, ហើមសួត, វិបត្តិចលនាបេះដូង…..)។
មន្ទីរពេទ្យកាល់ម៉ែត បានគូសបញ្ជាក់ថា អាហារដែលត្រូវប្រុងប្រយ័ត្ន៖
អំបិលមិនលើសពី ៥ក្រាមក្នុងអាហារសរុបប្រចាំថ្ងៃ
សូមជៀសវាងអាហារដែលប្រៃខ្លាំងដូចជាប្រហុក, ផ្អក, ឆៃប៉ូវជាដើម។
សារធាតុប៉ូតាស្យូម (Potassium)
ការទទួលទានអាហារដែលមានសារធាតុប៉ូតាស្យូមខ្ពស់អាចបង្កគ្រោះថ្នាក់ធ្ងន់ធ្ងរ ដល់បេះដូងចំពោះអ្នកជំងឺខ្សោយតម្រងនោមកម្រិតធ្ងន់។ អាហារទាំងនោះរួមមានទឹកផ្លែឈើ និងភេសជ្ជៈមួយចំនួន ផ្លែឈើពិសេស ចេក ក្រូច ផ្លែប័រ និងផ្លែដូងជាដើម។
កាត់បន្ថយសារធាតុខ្លាញ់ ដែលមានប្រភពពីសត្វ
សារធាតុផូស្វ័រ (phosphorus): ត្រូវកាត់បន្ថយការទទួលទានអាហារដែលមានសារធាតុផូស្វ័រ។
ការយកចិត្តទុកដាក់លើរបបអាហារនេះមានសារៈសំខាន់ខ្លាំងណាស់ក្នុងការគ្រប់គ្រងជំងឺ និងថែរក្សាសុខភាពទូទៅ។ អ្នកជំងឺគួរតែពិគ្រោះជាមួយគ្រូពេទ្យជំនាញ ដើម្បីទទួលបានដំបូន្មានលម្អិតបន្ថែមទៀតអំពីរបបអាហារដែលសមស្របសម្រាប់ស្ថានភាពរបស់ខ្លួន៕
ចែករំលែកព័តមាននេះ