ខេត្តកណ្ដាល ៖ នៅរសៀលវេលាម៉ោង១២និង៤០នាទី ថ្ងៃទី២៣ ខែសីហា ឆ្នាំ២០២៥ នគរបាលស្រុកកោះធំ សហការជាមួយកម្លាំងនគរបាលប៉ុស្ដិ៍ពោធិបានចុះបង្ក្រាបល្បែងស៊ីសងមាន់ខុសច្បាប់មួយកន្លែង ដែលស្ថិតភូមិកំពង់គរ ឃុំពោធិបាន…
ខេត្តកណ្ដាល ៖ នៅរសៀលវេលាម៉ោង១២និង៤០នាទី ថ្ងៃទី២៣ ខែសីហា ឆ្នាំ២០២៥ នគរបាលស្រុកកោះធំ សហការជាមួយកម្លាំងនគរបាលប៉ុស្ដិ៍ពោធិបានចុះបង្ក្រាបល្បែងស៊ីសងមាន់ខុសច្បាប់មួយកន្លែង ដែលស្ថិតភូមិកំពង់គរ ឃុំពោធិបាន ស្រុកកោះធំ ខេត្តកណ្តាល ។
បន្ទាប់ពីទទួលពីប្រជាពលរដ្ឋរាយការណ៍ថា មានលួចបើកល្បែងស៊ីសងខុសច្បាប់ (មាន់ជល់) ដែលឃាត់បានម៉ូតូចំនួន០៤គ្រឿង និងមាន់ជល់០២ក្បាល ចំណែកអ្នកលេងបានរត់គេចបាត់ខ្លួនអស់ ។
ចំពោះវត្ថុតាំងដែលចាប់បានរួមមាន ៖
១ ម៉ូតូម៉ាក ហុងដា PCX ពណ៍ស មានស្លាកលេខភ្នំពេញ 1JM. 4732។
២ ម៉ូតូម៉ាក ហុងដាទ្រីមសង់ ពណ៍ខ្មៅ ស្លាកលេខ 1AM.8510 ។
៣ ម៉ូតូម៉ាក BLADE ពណ៍ក្រហមលាយខ្មៅគ្មានស្លាកលេខ។
៤ ម៉ូតូហុងដា គុបមូលចាស់ពណ៍ស្លែរ គ្មានស្លាកលេខ ។
៥ មាន់រស់ចំនួន០២ក្បាល ហើយនិងបង់រុំខ្នាយមាន់ជាច្រើនដុំ ។
តាមប្រភពពីសមត្ថកិច្ចនគរបាលស្រុកកោះធំថា មានគេលួចបើក លេងល្បែងស៊ីសងខុសច្បាប់ (ជល់មាន់) នៅចំណុចទីតាំងកើតហេតុខាងលើនេះ ក្រោយពេលទទួលព័ត៌មានភ្លាមៗ លោកអធិការនគរបាលស្រុកកោះធំ បានបញ្ជាអោយកម្លាំងផ្នែកជំនាញនគរបាលយុត្តិធម៍ចុះសហការជាមួយ និងប៉ុស្តិ៍នគរបាលរដ្ឋបាលពោធិបាន ដើម្បីចុះបង្ក្រាបចំណុចទីតាំង ដែលលួចបើកលេងល្បែងស៊ីសងខុសច្បាប់ (ជល់មាន់) នៅពេលសមត្ថកិច្ចចុះទៅដល់ចំណុចទីតាំងខាងលើអ្នកដែលលួចបើកលេងល្បែងស៊ីសងខុសច្បាប់ (ជល់មាន់)បាននាំគ្នារត់គេចខ្លួនបាត់អស់ ដោយបានបន្សល់ទុកនូវម៉ូតូចំនួន០៤គ្រឿងហើយ និងមាន់ជល់នៅរស់ចំនួន០២ក្បាល នៅទីតាំងកើតហេតុខាងលើនេះ ។
ចំពោះមុខសញ្ញាដែលលួចបើកលេងល្បែងស៊ីសងខុសច្បាប់ (ជល់មាន់) ខាងលើនេះ សមត្ថកិច្ចកំពង់ធ្វើការស្រាវជ្រាវរកអត្តសញ្ញាណដើម្បីយកមកកសាងសុំណុំរឿងចាត់ការតាមនិតិវិធីច្បាប់ ៕
ចែករំលែកព័តមាននេះ