អ្នកវិទ្យាសាស្ត្រជប៉ុន និងថៃ បានរកឃើញ មេរោគកូរ៉ូណាថ្មីដែលទាក់ទងនឹងមេរោគដែលបង្កជំងឺកូវីដ-១៩មួយប្រភេទទៀតនៅក្នុងប្រទេសថៃ ។ នេះបើតាមសារព័ត៌មាន Nikkei Asia។ ក្រុមអ្នកស្រាវជ្រាវសាកលវិទ្យាល័យតូក្យូ ដែលដឹកនាំដោយលោក…
អ្នកវិទ្យាសាស្ត្រជប៉ុន និងថៃ បានរកឃើញ មេរោគកូរ៉ូណាថ្មីដែលទាក់ទងនឹងមេរោគដែលបង្កជំងឺកូវីដ-១៩មួយប្រភេទទៀតនៅក្នុងប្រទេសថៃ ។ នេះបើតាមសារព័ត៌មាន Nikkei Asia។
ក្រុមអ្នកស្រាវជ្រាវសាកលវិទ្យាល័យតូក្យូ ដែលដឹកនាំដោយលោក កេអ៊ី សាតូ (Kei Sato) និងក្រុមអ្នកស្រាវជ្រាវនៅសាកលវិទ្យាល័យជូឡាឡុងកននៅបាងកក បានអះអាងថា មេរោគនេះត្រូវបានរកឃើញនៅក្នុងខ្លួនសត្វប្រចៀវ ។
ការសិក្សាថ្មីៗបានរកឃើញមេរោគជាច្រើន ដែលមានព័ត៌មានហ្សែនស្រដៀងនឹង SARS-CoV-2 — មេរោគដែលបង្កជំងឺកូវីដ-១៩ នៅក្នុងសត្វប្រចៀវព្រៃដែលរស់នៅក្នុងតំបន់អាស៊ីអាគ្នេយ៍។ ទោះជាយ៉ាងណាក៏ដោយ មិនដូច SARS-CoV-2 ទេ មេរោគទាំងនេះ មិនភ្ជាប់ទៅនឹងប្រូតេអ៊ីននៅលើផ្ទៃកោសិការបស់មនុស្សទេ ដែលធ្វើឱ្យពួកវាទំនងជាមិនឆ្លងដល់មនុស្ស ។
ប៉ុន្តែដោយក្តីបារម្ភ និងបាក់ស្បាតដោយសារតែមេរោគកូវីដ១៩ អ្នកវិទ្យាសាស្ត្រកំពុងយកសំណាកមេរោគក្នុងចំណោមសត្វប្រចៀវទាំងនោះកំណត់កម្មវត្ថុសិក្សាបន្ថែម ។
ការវិភាគហ្សែន និងភូមិសាស្ត្របង្ហាញថា វីរុសដែលមានសមត្ថភាពឆ្លងដល់មនុស្សអាចបានផ្លាស់ប្តូរហ្សែន ខណៈពេលដែលរីករាលដាលយ៉ាងទូលំទូលាយនៅទូទាំងឧបទ្វីបឥណ្ឌូចិន ដែលរួមមានប្រទេសថៃ ដែលនាំឱ្យមានការលេចចេញនូវវីរុសជាច្រើនប្រភេទ ដែលនេះហើយជាក្តីបារម្ភ។
ពាក់ព័ន្ធនឹងបញ្ហានេះ លោក សាតូ បានកំពុងបង្កើតក្រុមការងារជាមួយអ្នកស្រាវជ្រាវផ្សេងទៀតនៅក្នុងប្រទេសជប៉ុន ដើម្បីឆ្លើយតបទៅនឹងជំងឺរាតត្បាត និងបានបង្កើតប្រព័ន្ធសម្រាប់ការស្រាវជ្រាវរហ័សលើវីរុស។
លោកបានអះអាងថា ការរកឃើញថ្មីទាំងនេះ គឺជាលទ្ធផលនៃកិច្ចខិតខំប្រឹងប្រែងទាំងនោះដែលត្រូវបានពង្រីកទៅកាន់តំបន់ផ្សេងទៀតនៃអាស៊ី ។
ចែករំលែកព័តមាននេះ