រាជធានីភ្នំពេញ ៖ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ បានថ្លែងថា ស្ថានឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជាបានបញ្ជាក់ពីការត្រៀមចូលរួមជាអ្នកសង្កេតការណ៍…
រាជធានីភ្នំពេញ ៖ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ បានថ្លែងថា ស្ថានឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជាបានបញ្ជាក់ពីការត្រៀមចូលរួមជាអ្នកសង្កេតការណ៍ និងជួយលើផ្នែកបច្ចេកទេស ដើម្បីរួមចំណែកក្នុងការគាំទ្រលើការអនុវត្តបទឈប់បាញ់រវាងកម្ពុជា-ថៃ ឈានដល់ការរកដំណោះស្រាយធ្វើឱ្យវិលត្រឡប់មកវិញនូវប្រក្រតីភាព ។
ការថ្លែងឱ្យដឹងយ៉ាងដូច្នេះ ពីអ្នកនាំពាក្យក្រសួងការពារជាតិ ធ្វើឡើងក្នុងការធ្វើសេចក្តីសង្ខេបព័ត៌មានស្តីពីលទ្ធផលនៃការអនុវត្តបទឈប់បាញ់រវាងកម្ពុជា-ថៃ នាព្រឹកថ្ងៃទី២២ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី ។
លោកជំទាវ អ្នកនាំពាក្យបានគូសបញ្ជាក់ថា៖«ភាគីមិត្តចិនបានយកចិត្តទុកដាក់លើផលប៉ះពាល់ដល់ជនស៊ីវិល ព្រមទាំងឃ្លាំមើល និងតាមដានអំពីស្ថានតាមព្រំដែនយ៉ាងដិតដល់» ។
លោកជំទាវ ឧត្តមសេនីយ៍ឯក ម៉ាលី សុជាតា បានលើកឡើងថា កាលពីថ្ងៃទី២១ ខែសីហា ឆ្នាំ២០២៥ មានកិច្ចប្រជុំក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ(RBC) រវាងយោធភូមិភាគទី៥ របស់កម្ពុជា និងយោធភូមិភាគទី១ របស់ថៃបានដំណើរការកិច្ចប្រជុំរបស់ខ្លួនពេញ១ថ្ងៃ ជាលទ្ធផលកិច្ចប្រជុំនេះបានប្រព្រឹត្តទៅដោយមានភាពរីកចម្រើនជាវិជ្ជមានមួយចំនួនគួរឱ្យកត់សម្គាល់ ដើម្បីត្រៀមសម្រាប់កិច្ចប្រជុំ វិសាមញ្ញគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) នាថ្ងៃនេះនៅខេត្តស្រះកែវ ប្រទេសថៃ ដែលសង្ឃឹមថាកិច្ចប្រជុំមួយនេះនឹងទទួលបានលទ្ធផលជាវិជ្ជមានបន្ថែមទៀត ដែលអាចអនុញ្ញាតឱ្យភាគីទាំងពីរជំរុញការអនុវត្តបទឈប់បាញ់ឱ្យមានប្រសិទ្ធភាពពេញលេញ និងនាំមកវិញនូវសន្តិភាព ស្ថិរភាព និងប្រក្រតីភាព ។
ជាមួយគ្នានោះដែរ អ្នកនាំពាក្យក្រសួងការពារជាតិកម្ពុជាក៏បានបន្តអះអាងថា ទាំងក្រសួងការពារជាតិក្រុមយុទ្ធពលខេមរៈភូមិន្ទនិងរាជរដ្ឋាភិបាលកម្ពុជានៅតែទទូចឲ្យភាគីថៃឆាប់បញ្ជូនទាហានចំនួនដប់ ដើម្បីអ្នកដែលត្រូវចាប់ខ្លួនក្រោយបាត់ឈប់បាញ់ កាលពីពីព្រឹកថ្ងៃទី២៩ ខែកក្កដា ឆ្នាំ២០២៥ ដើម្បីឲ្យពួកគេបានមកជួបជុំគ្រួសារដែលកំពុងតែទន្ទឹងរង់ចាំទាំងយប់ទាំងថ្ងៃ ។ ដែលគិតមកដល់ព្រឹកម៉ោង៧:00ព្រឹក ថ្ងៃទី២២ សីហានេះ គឺមានរយៈពេល២៤ថ្ងៃហើយដែលទាហានថៃចាប់ទៅហ៊ានកម្ពុជា ៕
ចែករំលែកព័តមាននេះ