រាជធានីភ្នំពេញ ៖ សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា២០២៤-២០២៥ នឹងប្រព្រឹត្តិទៅថ្ងៃទី២៨-២៩សីហា ខាងមុខនេះ មានបេក្ខជនចុះឈ្មោះប្រឡងប្រមាណ១សែន៤ម៉ឺន៦ពាន់នាក់ ហើយចែកជា២៤១មណ្ឌល ។…
រាជធានីភ្នំពេញ ៖ សម្រាប់ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា២០២៤-២០២៥ នឹងប្រព្រឹត្តិទៅថ្ងៃទី២៨-២៩សីហា ខាងមុខនេះ មានបេក្ខជនចុះឈ្មោះប្រឡងប្រមាណ១សែន៤ម៉ឺន៦ពាន់នាក់ ហើយចែកជា២៤១មណ្ឌល ។ នេះបើតាមការបញ្ជាក់ឲ្យដឹងពីរដ្ឋមន្ត្រីក្រសួងអប់រំយុជ និងកីឡា ។
ថ្លែងក្នុងសន្និសីទសារព័ត៌មាន នារសៀលថ្ងៃទី២២ ខែសីហា ឆ្នាំ២០២៥ នាទីស្តីការក្រសួងអប់រំ ឯកឧត្តម ហង់ ជួនណារ៉ុង ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាបានឲ្យដឹងថា ការប្រឡងសញ្ញាបត្រមធ្យមសិក្សាទុតិយភូមិនៅថ្ងៃទី២៨-២៩ សីហា ឆ្នាំ២០២៥ខាងមុខនេះ មានបេក្ខបានចុះឈ្មោះប្រឡងនៅទាំងប្រទេស សរុបប្រមាណ១សែន៤ម៉ឺន ៦ពាន់នាក់ ដោយបានបែងចែកជា២៤១មណ្ឌល ។
ឯកឧត្តមឧបនាយករដ្ឋមន្ត្រីគូសបញ្ជាក់យ៉ាងដូច្នេះថា «ឆ្នាំសិក្សា២ ០២៤-២០២៥នេះ យើងមានបេក្ខជនចុះឈ្មោះប្រឡងសរុបប្រមាណ១សែន៤ម៉ឺន៦ពាន់នាក់ (ក្នុងនោះមានសិស្សស្រីប្រមាណ៨ម៉ឺន១ពាន់នាក់)។ បេក្ខជនថ្នាក់វិទ្យាសាស្ត្រមានជាង៩ម៉ឺននាក់ ស្មើនឹងជាង២៨% ហើយបេក្ខជនថ្នាក់វិទ្យាសង្គមជាង១សែននាក់ ស្មើនឹង៧២%» ។
ឯកឧត្តមរដ្ឋមន្ត្រីបានលើកឡើងការប្រឡងបានចែកបេក្ខជនចំណេះទូទៅមានជាង១សែន២ម៉ឺន៩ពាន់នាក់ កើនជាង៨ពាន់នាក់ ។ បេក្ខស្វ័យរិនចំនួន១ម៉ឺន២ពាន់នាក់ បេក្ខជនបំពេញវិជ្ជា៣ពាន់៥រយនាក់ បេក្ខជនស្វ័យរិនបំពេញ១ពាន់៣រយនាក់ ។
ការប្រឡងបាក់ឌុបនេះ សិស្សអាចជ្រើសរើសយកភាពអង់គ្លេស និងបារាំង ។ ប៉ុន្តែក្នុងចំណោមបេក្ខជនប្រឡងអស់ អ្នកដែលប្រឡងហើយផ្នែកភាសាបារាំងជាបរទេសមានតែ ៦៩៣នាក់ប៉ុណ្ណោះ។
នៅក្នុងឆ្នាំនេះ ក៏មានបេក្ខជនប្រឡងជាគ ថ្លង់ចំនួន៣៨នាក់ ក្នុងនោះ បេក្ខជនពិការភ្នែក១៥នាក់ គថ្លង់ចំនួន២៣នាក់ ។
ជាមួយគ្នានោះដែរ ឯកឧត្តមរដ្ឋមន្ត្រីក៏បានឲ្យដឹងថា ការប្រឡងបាក់ឌុបឆ្នាំនេះបានរៀបចំមណ្ឌលប្រឡងសំណេរចំនួន២៤១មណ្ឌល កើនឡើង១១មណ្ឌល ហើយថ្នាក់វិទ្យាសាស្ត្រមានចំនួន៧២មណ្ឌល និងថ្នាក់សង្គមមានចំនួន ១៦៩មណ្ឌល ហើយមណ្ឌលកំណែមានចំនួន១០មណ្ឌល ៕
ចែករំលែកព័តមាននេះ