រាជធានីភ្នំពេញ ៖ បុរសជាជនអនាថាម្នាក់ ទិញនំអាកោរ មកអង្គុយហូប ក្រោមផ្ទាំងផ្សព្វផ្សាយពាណិជ្ជកម្ម (LED) ស្រាប់តែត្រូវម្នាងសិលាដែលមានសភាពចាស់ទ្រុឌទ្រោម ធ្លាក់ចំក្បាល បណ្ដាលអោយបែកហូរឈាមស្រោចខ្លួន…
រាជធានីភ្នំពេញ ៖ បុរសជាជនអនាថាម្នាក់ ទិញនំអាកោរ មកអង្គុយហូប ក្រោមផ្ទាំងផ្សព្វផ្សាយពាណិជ្ជកម្ម (LED) ស្រាប់តែត្រូវម្នាងសិលាដែលមានសភាពចាស់ទ្រុឌទ្រោម ធ្លាក់ចំក្បាល បណ្ដាលអោយបែកហូរឈាមស្រោចខ្លួន ។
ហេតុការណ៍ខាងលើនេះ បង្កការភ្ញាក់ផ្អើលកាលពីវេលាម៉ោង១០នឹង៣០នាទី ថ្ងៃទី២២ ខែសីហាឆ្នាំ២០២៥ ត្រង់ចំណុចអាងទឹកអូឡាំពិក ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
តាមការបញ្ជាក់ពីប្រជាពលរដ្ឋបានអោយដឹងថា មុនពេលកើតហេតុ គេឃើញបុរសជាជនអានាថា ខាងលើ បានដើរពីក្រៅមកអង្គុយខាងក្រោមផ្ទាំងផ្សព្វផ្សាយពាណិជ្ជកម្ម (LED) ដោយក្នុងដៃមានកាន់នំអាកោរមួយថង់ ។ ខណៈជនរងគ្រោះកំពុងអង្គុយហូបនំមិនទាន់ត្រង់មាត់ផង ក៏ស្រាប់តែមានម្នាងសិលាដែលចាស់ពុកផុយ ធ្លាក់ពីលើទីខ្ពស់ ចុះមកក្រោម ត្រូវចំក្បាលជនរងគ្រោះបណ្ដាលអោយបែកក្បាលហូរឈាមស្រោចពេញខ្លួន ផ្អើលសមត្ថកិច្ចចុះមកអន្តរាគមន៍ ។
ក្រោយកើតហេតុ សមត្ថកិច្ចបានដឹកជនរងគ្រោះតាមរយៈកង់បីឥណ្ឌាទៅកាន់មន្ទីរពេទ្យ ដើម្បីព្យាបាលរបួស៕
ចែករំលែកព័តមាននេះ