មន្ត្រីជំនាញបានសម្លឹងឃើញប្រទេសឥណ្ឌា គឺជាទីផ្សារដ៏ធំសម្រាប់ស្វាយចន្ទីរកម្ពុជា ខណ:ឥណ្ឌាមានប្រជាជនប្រមាណជា១.៤០០ លាននាក់ជាង តែទំហំពាណិជ្ជកម្មទ្វេភាគីកម្ពុជា និងឥណ្ឌា មានចំនួនតិចនៅឡើយ ។ ពាក់ព័ន្ធនឹងបញ្ហានេះលោក ឃឹម…
មន្ត្រីជំនាញបានសម្លឹងឃើញប្រទេសឥណ្ឌា គឺជាទីផ្សារដ៏ធំសម្រាប់ស្វាយចន្ទីរកម្ពុជា ខណ:
ឥណ្ឌាមានប្រជាជនប្រមាណជា១.៤០០ លាននាក់ជាង តែទំហំពាណិជ្ជកម្មទ្វេភាគីកម្ពុជា និងឥណ្ឌា មានចំនួនតិចនៅឡើយ ។
ពាក់ព័ន្ធនឹងបញ្ហានេះលោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ឥណ្ឌា គឺជាទីផ្សារដ៏មានសក្តានុពលសម្រាប់ការនាំចេញគ្រាប់ស្វាយចន្ទីពីកម្ពុជា ជាពិសេសការនាំចេញដោយមានភ្ជាប់ការកែច្នៃក្នុងកម្រិតណាមួយ ។
លោកបានអះអាងថា ភាគច្រើនឥណ្ឌានាំចូលគ្រាប់ស្វាយចន្ទីពីបណ្តាប្រទេសអាហ្វ្រិក ក្នុងពេលកន្លងមក ។ លោកបានបន្តថា ម្សៅរមៀតក៏ជាផលិតផលអាចមានទីផ្សារដែរ ។
យោងតាមស្ថិតិពីក្រសួងពាណិជ្ជកម្ម បានអោយដឹងថា ៨ខែនៃឆ្នាំ២០២៥ បានអោយដឹងថា គឺមានទំហំសរុប២៤៨លានដុល្លារ នៅក្នុងនោះកម្ពុជានាំចេញតែជាង៩០លានដុល្លារ ហើយនាំចូលគឺមាន១៥៨លានដុល្លារ ។
ប្រភពដដែលបានអោយដឹងថា ៨ខែនៃឆ្នាំ២០២៥នេះ ទំហំពាណិជ្ជកម្មសរុបមានកំណើនតែ២,៦៧ភាគរយ ការនាំចូលមានកំណើន២៧,២៥ភាគរយ ហើយការនាំចេញ គឺថយចុះ២៣,៣៥ភាគរយ ៕
ចែករំលែកព័តមាននេះ