រាជធានីភ្នំពេញ ៖ មហាជនចាប់អារម្មណ៍មើលពីត្រើយម្ខាងនៅខណ្ឌច្បារអំពៅ គេនឹងឃើញសំណង់រឹងមាំ១កន្លែងស្ថិតនៅក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ សង់លយចូលទៅទន្លេបាសាក់ ដែលប្រការនេះមហាជនយល់ថាគឺខុសច្បាប់ទាំងស្រុង។ តែយ៉ាងណាក៏ដោយអះអាងថា…
រាជធានីភ្នំពេញ ៖ មហាជនចាប់អារម្មណ៍មើលពីត្រើយម្ខាងនៅខណ្ឌច្បារអំពៅ គេនឹងឃើញសំណង់រឹងមាំ១កន្លែងស្ថិតនៅក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ សង់លយចូលទៅទន្លេបាសាក់ ដែលប្រការនេះមហាជនយល់ថាគឺខុសច្បាប់ទាំងស្រុង។ តែយ៉ាងណាក៏ដោយអះអាងថា សំណង់នោះគ្រាន់តែចាក់បេតុងដើម្បីកុំឲ្យបាក់ច្រាំងចូលទន្លេប៉ុណ្ណោះ។ ម្យ៉ាង ទៀតរដ្ឋបាលរាជធានីភ្នំពេញបានចុះផ្អាកសកម្មភាពហើយ។
ទិដ្ឋភាពដែលបានឃើញ វាមិនដូចអ្វីដែលអាជ្ញាធរយល់ថាជាការចាក់បេតុងការពារកុំឲ្យបាក់ច្រាំងនោះទេ។ ប៉ុន្តែវាជាការកឹបកេងផលប្រយោជន៍ នៃទន្លេដែលជាសម្បត្តិសាធារណៈរបស់រដ្ឋ។ សំណង់រឹងមាំដែលលយចូល ផ្ទៃទន្លេ បានមកពីការឃុបឃិតឬធ្វើមិនដឹងមិនលើសពីស្ថាប័នជំនាញស្របពេលដែលអាជ្ញាធរដែនដីមិនបានដឹងជាមុន។ យ៉ាងណាក៏ដោយ រហូតមកដល់ពេលនេះនៅមានចំណុចប្រទាំងប្រទើសគ្នា ដែលខាងអាជ្ញាធរមូលដ្ឋានអះអាងថា បានបញ្ចប់ដំណើរការនៃការសាង សង់ចូលផ្ទៃទន្លេនោះហើយ ប៉ុន្តែគេឃើញកម្មករចូលធ្វើការជាធម្មតា។
លោកជា សុខៃ ចៅសង្កាត់ចាក់អង្រែក្រោម បានអោយដឹងថា វាមិនមែនជាសំណង់រឹងមាំចូលក្នុងទន្លេបាសាក់នោះទេ ប៉ុន្តែជាសំណង់ដែលគេចាក់ដើម្បីកុំឲ្យបាក់ច្រាំងចូលដីរបស់គាត់។ យ៉ាងណា ក៏ដោយការងារនេះរដ្ឋបាលរាជធានីភ្នំពេញ បានចុះផ្អាករួចរាល់ហើយ។ រីឯការដែល មានកម្មករចូលធ្វើការងារនោះ គឺគេធ្វើនៅកន្លែងផ្សេងទេ ដែលនៅលើដីគោកជាប់គ្នានោះ។
ដូចគ្នានេះដែរ ចៅសង្កាត់ចាក់អង្រែក្រោម លោកជា សុខខៃ ប្រាប់អ្នកកាសែតថា វាមិនមែនជាសំណង់រឹងមាំទេ ប៉ុន្តែគេចាក់បេតុងការពារកុំឲ្យបាក់ច្រាំងទន្លេ ប៉ុន្តែយ៉ាង ណាក៏ដោយរដ្ឋបាលរាជធានីភ្នំពេញបានចុះបិទផ្អាកសកម្មភាពនៃសំណង់នោះហើយ។ ឆ្លើយតបចំពោះអ្នកកាសែតដែលថា មានឃើញកម្លាំងកម្មករចូលធ្វើការជាធម្មតានោះ លោកចៅសង្កាត់ចាក់ អង្រែក្រោមបានបញ្ជាក់ថា គឺក្រុមកម្មករទាំងនោះចូលធ្វើនៅកន្លែងផ្សេងមិនមែននៅកន្លែងមាត់ទន្លេនោះទេដោយគេទិញដីពង្រីកទៅម្ខាងទៀត។
បើទោះជាយ៉ាងណាក៏ដោយ មានការរិះគន់ថាសម្រាប់ប្រជាពលរដ្ឋធម្មតាគ្រាន់តែចាក់ដីមួយបង្គីចូលទៅក្នុងទន្លេ មុខជាអាជ្ញាធរចុះទៅបង្ក្រាបព្រមានជាមិនខាន។ ប៉ុន្តែករណីខាងលើនេះអាជ្ញាធរទាំងសាលាសង្កាត់ទាំងសាលាខណ្ឌមានជ័យ ហាក់ដូចជាព្យាយាមជួយលាក់បាំងចំណុចអសកម្មខាងលើទាំងឈ្មោះម្ចាស់ទីតាំងផងដែរ អត់ហ៊ានប្រាប់ឈ្មោះទេ…ឈឹង!…ហេ! ហេ! ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ