ការស្វែងរកក្តីសុខក្នុងជីវិត មិនមែនជារឿងលំបាកនោះទេ។ វាទាមទារការយល់ដឹង និងការអនុវត្តនូវទម្លាប់ល្អៗមួយចំនួន។ ខាងក្រោមនេះ គឺជាវិធីសាស្ត្រដែលអ្នកអាចសាកល្បងបាន ៖ ១. ទទួលស្គាល់នូវអ្វីដែលអ្នកមាន កុំរត់តាមអ្វីដែលអ្នកដទៃមាន…
ការស្វែងរកក្តីសុខក្នុងជីវិត មិនមែនជារឿងលំបាកនោះទេ។ វាទាមទារការយល់ដឹង និងការអនុវត្តនូវទម្លាប់ល្អៗមួយចំនួន។ ខាងក្រោមនេះ គឺជាវិធីសាស្ត្រដែលអ្នកអាចសាកល្បងបាន ៖
១. ទទួលស្គាល់នូវអ្វីដែលអ្នកមាន
កុំរត់តាមអ្វីដែលអ្នកដទៃមាន រហូតភ្លេចឱ្យតម្លៃចំពោះអ្វីដែលខ្លួនឯងមាន ។ ការចេះដឹងគុណចំពោះសុខភាព គ្រួសារ មិត្តភក្តិ ឬសូម្បីតែអាហារដែលអ្នកបានញ៉ាំរាល់ថ្ងៃ អាចធ្វើឱ្យអ្នកមានអារម្មណ៍ល្អប្រសើរជាងមុន ។
២. ផ្ដល់ក្ដីស្រឡាញ់ដល់អ្នកដទៃ
ការឱ្យ ក្ដីស្រឡាញ់ និងការជួយអ្នកដទៃ មិនមែនធ្វើឱ្យយើងខាតបង់ឡើយ តែវាជាការបង្កើនក្តីសុខដល់ខ្លួនឯងទៅវិញទេ ។ នៅពេលអ្នកចែករំលែកស្នាមញញឹម ផ្ដល់ការលើកទឹកចិត្ត ឬគ្រាន់តែស្ដាប់រឿងរបស់ពួកគេ អ្នកនឹងមានអារម្មណ៍ថាខ្លួនមានតម្លៃ ។
៣. រៀនរស់នៅជាមួយបច្ចុប្បន្ន
កុំគិតគូរពីអតីតកាល ដែលបានកន្លងផុតទៅ ឬបារម្ភពីអនាគតដែលមិនទាន់មកដល់ពេក ។ ត្រូវផ្ដោតលើអ្វីដែលកំពុងកើតឡើងនៅពេលបច្ចុប្បន្ន ។ អាចសាកល្បងការហាត់សមាធិ ឬចំណាយពេលដើរលេងក្នុងធម្មជាតិ ដើម្បីឱ្យចិត្តស្ងប់ ។
៤. កុំខ្លាចនឹងបរាជ័យ
គ្រប់គ្នាធ្លាប់ជួបការលំបាក និងការបរាជ័យ ។ ចូរចាត់ទុកបរាជ័យជាមេរៀនមួយ ដើម្បីរីកចម្រើន មិនមែនជាទីបញ្ចប់នៃអ្វីៗទាំងអស់នោះទេ។ ការទទួលយកការពិតនេះ នឹងជួយឱ្យអ្នករឹងមាំ និងមានក្ដីសុខផ្លូវចិត្ត។
៥. ធ្វើអ្វីដែលអ្នកចូលចិត្ត
ចំណាយពេលធ្វើអ្វីដែលអ្នកស្រឡាញ់ ដូចជាការអានសៀវភៅ ស្ដាប់តន្ត្រី គូររូប ឬរៀនជំនាញថ្មី។ សកម្មភាពទាំងនេះនឹងជួយឱ្យអ្នកបន្ធូរអារម្មណ៍ និងមានក្ដីសុខ ។
៦. ថែរក្សាសុខភាព
ត្រូវគេងឱ្យបានគ្រប់គ្រាន់ ហាត់ប្រាណជាប្រចាំ និងញ៉ាំអាហារល្អៗ។ នៅពេលរាងកាយមានសុខភាពល្អ នោះចិត្តក៏មានភាពរឹងមាំផងដែរ។
ក្តីសុខពិតប្រាកដ មិនមែនកើតចេញពីវត្ថុខាងក្រៅទេ តែវាកើតចេញពីខាងក្នុងចិត្តរបស់យើង ៕
ចែករំលែកព័តមាននេះ