ខេត្តបន្ទាយមានជ័យ ៖ ជនជាតិបរទេស២ក្រុមដែលមានគ្នាប្រមាណពី៤០ទៅ៥០នាក់ មានដំបង ខ្លះកាំបិត ខ្លះដុំថ្ម បានផ្ទុះការប្រទុស្តរាយគ្នាយ៉ាងក្រពុលមុខ នៅវេលារំលងអធ្រាត្រ ឈានចូលថ្ងៃទី១៩ ខែសីហា…
ខេត្តបន្ទាយមានជ័យ ៖ ជនជាតិបរទេស២ក្រុមដែលមានគ្នាប្រមាណពី៤០ទៅ៥០នាក់ មានដំបង ខ្លះកាំបិត ខ្លះដុំថ្ម បានផ្ទុះការប្រទុស្តរាយគ្នាយ៉ាងក្រពុលមុខ នៅវេលារំលងអធ្រាត្រ ឈានចូលថ្ងៃទី១៩ ខែសីហា ឆ្នាំ២០២៥ នៅចំណុចផ្សារហ្គោល ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។
នៅខណៈដែលជនជាតិបរទេសទាំង២ក្រុមដេញកាប់ចាក់គ្នាដោយហិង្សា គេស្គាល់ខ្លះជាជនជាតិឥណ្ឌូណេស៊ី ដែលមានកាំបិត ដំបង ដុំថ្ម បានដេញវ៉ៃគ្នាទៅមក ខ្លះទៀតបានគប់ពីលើអគារចុះមកក្រោម បណ្តាលឱ្យមានអ្នករងរបួស និងរងការខូចខាតទ្រព្យសម្បត្តិប្រជាពលរដ្ឋបែកកញ្ចក់ និងម៉ូតូ ។
ការផ្ទុះឆាកប្រយុទ្ធគ្នា រវាងក្រុមជនជាតិឥណ្ឌូណេស៊ី២ក្រុមនោះ គេឃើញសមត្ថកិច្ចចុះអន្តរាគមន៍ឃាត់ខ្លួនជនបង្កបានមួយចំនួន និងមួយចំនួនទៀតរត់ចែកជើងគ្នាចូលបន្ទប់ ហើយរថយន្តសង្គ្រោះមកដល់ អ្នកដែលមានរបួសក៏ត្រូវបានដឹកទៅមន្ទីរពេទ្យ ។
ការប្រយុទ្ធគ្នារវាងជនជាតិឥណ្ឌូណែស៊ី២ក្រុម មានប្រមាណជិត៥០នាក់នេះ មិនទាន់បានដឹងពីមូលហេតុនៅឡើយទេ តែដឹងថា ជនបង្កទាំង២ក្រុមជាជនជាតិឥណ្ឌូណេស៊ីនេះ ដែលធ្វើការក្រុងប៉ោយប៉ែត តែងបង្កអសន្តិសុខប៉ះពាល់សណ្តាប់ធ្នាប់ និងខូចខាតទ្រព្យសម្បត្តិប្រជាពលរដ្ឋ ដោយមានអ្នករបួស តែមិនដឹងមានប៉ុន្មាននាក់ និងមួយចំនួនសមត្ថកិច្ចបានឃាត់ខ្លួនតែមិនដឹងមានប៉ុន្មាននាក់នៅឡើយទេ ៕
ចែករំលែកព័តមាននេះ