ម្តាយ-ឪពុក គ្រប់រូបសុទ្ធតែប្រាថ្នាឃើញកូនៗមានអនាគតរុងរឿង ។ ប៉ុន្តែសម្រាប់ម្តាយកុមារភៀសសឹក ក្តីសង្ឃឹមនេះ ក្លាយជាការព្រួយបារម្ភជានិច្ច រស់នៅក្នុងភាពអស់សង្ឃឹម ដោយសារអនាគតកូនៗកំពុងរងគ្រោះថ្នាក់ពីសង្គ្រាមឈ្លានពានមកលើកម្ពុជា ។ នេះបើតាមទូរទស្សន៍ជាតិកម្ពុជាបានផ្សាយនាថ្ងៃទី១៩…
ម្តាយ-ឪពុក គ្រប់រូបសុទ្ធតែប្រាថ្នាឃើញកូនៗមានអនាគតរុងរឿង ។ ប៉ុន្តែសម្រាប់ម្តាយកុមារភៀសសឹក ក្តីសង្ឃឹមនេះ ក្លាយជាការព្រួយបារម្ភជានិច្ច រស់នៅក្នុងភាពអស់សង្ឃឹម ដោយសារអនាគតកូនៗកំពុងរងគ្រោះថ្នាក់ពីសង្គ្រាមឈ្លានពានមកលើកម្ពុជា ។ នេះបើតាមទូរទស្សន៍ជាតិកម្ពុជាបានផ្សាយនាថ្ងៃទី១៩ ខែសីហានេះ ។
ភាពមិនប្រាកដប្រជាលើបទឈប់បាញ់របស់ភាគីថៃ បានបង្កឱ្យកុមារជាច្រើនរត់ចោលផ្ទះសម្បែងរត់គេចខ្លួន ដោយស្ថិតក្នុងភាពភ័យស្លន់ស្លោ ។ ក្មេងៗជាច្រើនត្រូវឈប់រៀន មិនអាចអង្គុយក្នុងថ្នាក់ដូចក្មេងដទៃទៀត ។
ម្តាយដែលធ្លាប់ប្រាថ្នាឃើញកូនស្លៀកឯកសណ្ឋានសិស្ស កាន់សៀវភៅកៀកដៃ ឥឡូវនេះត្រូវរស់នៅក្នុងសំឡេងកាំភ្លើង និងផ្ទុះគ្រាប់បែក ។ សំឡេងសើចរីករាយរបស់ក្មេងៗ ត្រូវបានជំនួសដោយសម្លេងភ័យខ្លាច និងទឹកភ្នែក ។
ក្តីប្រាថ្នារបស់ម្តាយទាំងនេះមិនមានអ្វីលើសពីសន្តិភាព ដើម្បីឱ្យកូនៗអាចចូលរៀន លេង និងរីកលូតលាស់ដូចក្មេងធម្មតា ។ ប៉ុន្តែសង្គ្រាមបានបំផ្លាញក្តីស្រមៃសាមញ្ញបំផុតនោះទុកឲ្យបេះដូងម្តាយពោរពេញដោយក្តីឈឺចាប់ និងការព្រួយបារម្ភ ។
កម្ពុជាអនុវត្តន៍បាន១០០% កិច្ចព្រមព្រៀងបទឈប់បាញ់ រវាង កម្ពុជា-ថៃ ៕
ចែករំលែកព័តមាននេះ