ខេត្តបន្ទាយមានជ័យ ៖ ក្នុងឆ្នាំ២០២៥នេះ ប្រជាកសិករបង្កបង្កើនផលស្រូវស្រាលរឺមិនប្រកាន់រដូវជាង១០ម៉ឺនហិកតារហូតពេលនេះប្រមូលផលបានជាង១០ភាគរយរហូតដល់ថ្ងៃទី១៨ ខែសីហា ឆ្នាំ២០២៥នៅខេត្តបន្ទាយមានជ័យ។ លោក ប៉ាង វណ្ណាសេដ្ឋ ប្រធានមន្ទីកសិកម្ម…
ខេត្តបន្ទាយមានជ័យ ៖ ក្នុងឆ្នាំ២០២៥នេះ ប្រជាកសិករបង្កបង្កើនផលស្រូវស្រាលរឺមិនប្រកាន់រដូវជាង១០ម៉ឺនហិកតារហូតពេលនេះប្រមូលផលបានជាង១០ភាគរយរហូតដល់ថ្ងៃទី១៨ ខែសីហា ឆ្នាំ២០២៥នៅខេត្តបន្ទាយមានជ័យ។
លោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រម៉ាញ់និងនេសាទខេត្តបន្ទាយមានជ័យបានប្រាប់ថា៖ខេត្តបន្ទាយមានជ័យឆ្នាំ២០២៥នេះប្រជាកសិករបង្កបង្កើនផលស្រូវមានផ្ទៃដីប្រមាណជាង២៦ម៉ឺនហិកតាក្នុងនោះមានស្រូវស្រាលប្រភេទមិនប្រកាន់រដូវមានផ្ទៃដីជាង១០ម៉ឺនហិកតារហូតពេលនេះប្រជាកសិករប្រមូលផលស្រូវស្រាលបានប្រមាណជាង១០ភាគរយហើយ។
លោកបានបញ្ជាក់ថា៖ឆ្នាំនេះប្រជាកសិករបង្កបង្កើនផលស្រូវប្រភេទស្រូវ៥១និង៥៤រឺអូរអឹមក្នុង១ហិកតាទទួលផលបាន៥ទៅ៦តោន និងស្រូវស្រង៉ែក្នុង១ហិកតាទទួលផលបាន៣ទៅ៤តោន ស្រូវសែនក្រអូប១ហិកតាទទួលផលបាន៣ទៅ៤តោនបើប្រៀបធៀបឆ្នាំមុនឆ្នាំនេះទទួលផលគឺមិនខុសគ្នាទេអាចទទួលផលប្រហាក់ប្រហែលគ្នាហើយក្នុង១រដូវប្រភេទស្រូវស្រាលប្រជាកសិករបង្កបង្កើនផលបាន២ដងទៅតាមស្ថានភាពទឹក៕
ចែករំលែកព័តមាននេះ