ខេត្តកំពង់ស្ពឺ៖ បើទោះបីជាមានបទបញ្ជាពីប្រមុខរាជរដ្ឋាភិបាលហើយអាជ្ញាធរមូលដ្ឋានបិទឱ្យអស់ល្បែងស៊ីសងមាន់ជល់អនឡាញយ៉ាងណាក៏ដោយ ប៉ុន្តែនៅក្នុងមូលដ្ឋាន ភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ នៅតែមានដំណើរការជាធម្មតា។ មិនតែប៉ុណ្ណោះទីតាំងនេះអាចទាក់ទាញបានអ្នកលេងល្បែងមាន់ជល់អនឡាញ យ៉ាងច្រើនប្រមូលលុយរាប់លានរៀលក្នុងថ្ងៃៗដោយមិនឃើញអាជ្ញាធរនិងសមត្ថកិច្ចចាត់វិធានការបង្ក្រាបនោះទេ។
ប្រភពឃើញផ្ទាល់ភ្នែកឲ្យដឹងថា ទីតាំងមាន់ជល់អនឡាញស្ថិតនៅតាមបណ្តោយផ្លូវលេខ៤៤ ទល់មុខរោងចក្រកាត់ដេរយីហោ ( ស៊ីគ្លូ) ដែលស្ថិតនៅក្នុងភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ។
ប្រជាពលរដ្ឋបាននិយាយឱ្យដឹងថា មានប្រជាពលរដ្ឋអ្នកញៀនល្បែង ដែលចូលទៅលេងល្បែងស៊ីសងមាន់ជល់អនឡាញ នៅទីតាំងខាងលើមិនដាច់រយៈនោះឡើយ។ ប្រជាពលរដ្ឋប្រាកដក្នុងចិត្តថាអាជ្ញាធរមូលដ្ឋានពិតជាបានដឹងអំពីបញ្ហាបទល្មើសនេះប៉ុន្តែទំនងត្រូវគ្នាចែករំលែកសេចក្តីសុខទៅវិញទៅមក ។
ប្រជាពលរដ្ឋមើលឃើញថា សមត្ថកិច្ចតែងតែចេញចូលទីតាំងខាងលើនោះដែរ ដូចទៅសួរសុខទុក្ខកុំឱ្យភ័យខ្លាច ។
ល្បែងលេងប៉ុណ្ណឹងៗចាប់ធ្វើអី…យ៉ាងច្រើនលក់មាន់ លក់ជ្រូកយកមកលេង…មានលក់ផ្ទះលក់ដីឯណា?…ហេ! ហេ! ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ