បន្ទាយមានជ័យ ៖ ទាហានថៃឯកសណ្ឋានប៉ារ៉ា និងឈុតខ្មៅប្រមាណ៥០ទៅ៦០នាក់មកដាក់ស្បៃខ្មៅ និងកាមេរ៉ា នៅម៉ោង២និង៣០នាទីរសៀល ថ្ងៃទី១៧ ខែសីហា ឆ្នាំ២០២៥នៅច្រកតំបន់៥ស្ថិតភូមិព្រៃចាន់ ឃុំអូរបីជាន់…
បន្ទាយមានជ័យ ៖ ទាហានថៃឯកសណ្ឋានប៉ារ៉ា និងឈុតខ្មៅប្រមាណ៥០ទៅ៦០នាក់មកដាក់ស្បៃខ្មៅ និងកាមេរ៉ា នៅម៉ោង២និង៣០នាទីរសៀល ថ្ងៃទី១៧ ខែសីហា ឆ្នាំ២០២៥នៅច្រកតំបន់៥ស្ថិតភូមិព្រៃចាន់ ឃុំអូរបីជាន់ ស្រុកអូរជ្រៅ ។
លោក កែវ ដារ៉ារស្មី អភិបាលស្រុកអូរជ្រៅ បានប្រាប់ថា ៖ ទាហានថៃប្រមាណ៥០ទៅ៦០នាក់ មានឯកសណ្ឋានប៉ារ៉ា និងឈុតខ្មៅប្រដាប់ដោយអាវុធស្ទើគ្រប់ដៃ បានបម្រុងដាក់ស្បៃខ្មៅ និងកាមេរ៉ាជាប់របងលួសបន្លា ត្រូវបានប្រជាពលរដ្ឋមិនតិចជាង១០០នាក់ នាំគ្នាស្រែកថា អាចោរសៀមឈ្លានទឹកដីកម្ពុជា ។
លោកបានបញ្ជាក់ថា ៖ ក្រោយប្រជាពលរដ្ឋស្រែកជេរ ទើបទាហានថៃថយដាក់ស្បៃខ្មៅប្រមាណ២០ម៉ែត្រពីរបងលួសបន្លា ហើយដាក់កាមេរ៉ាចំនួន២គ្រឿង លើបង្គោលដែក២ដើម ដែលតម្រង់កាមេរ៉ាមកចំណុចដាក់លួសបន្លា និងកង់ឡាន បិតផ្លូវចេញ.ចូល ដែលដាក់ស្បៃខ្មៅកាត់ផ្លូវជិត១០០ម៉ែត្រ ។
លោក កែវ ដារ៉ារស្មី បានបញ្ជាក់ថា ៖ ទាហានថៃនៅតែបន្តគឃ្លឺន អស់ពីដាក់លួសបន្លាហ៊ុមព័ទ្ធផ្ទះប្រជាពលរដ្ឋ១២ខ្នងផ្ទះហើយ មកដោយដាក់ស្បៃខ្មៅបិតបាំង និងកាមេរ៉ារំលោភបំពានអធិបតេយ្យភាពកម្ពុជាម្តងហើយម្តងទៀត ៕
ចែករំលែកព័តមាននេះ