ប្រជាពលរដ្ឋកម្ពុជានៅទីក្រុងអាឌឺឡែត បានស្នើសុំឱ្យសហគមន៍អន្តរជាតិ ធ្វើអន្តរាគមន៍ឱ្យប្រទេសថៃគោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ ។ នេះបើតាមទូរទស្សន៍ជាតិកម្ពុជាបានផ្សាយ នាថ្ងៃទី១៧ ខែសីហា ឆ្នាំ២០២៥នេះ ។…
ប្រជាពលរដ្ឋកម្ពុជានៅទីក្រុងអាឌឺឡែត បានស្នើសុំឱ្យសហគមន៍អន្តរជាតិ ធ្វើអន្តរាគមន៍ឱ្យប្រទេសថៃគោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ ។ នេះបើតាមទូរទស្សន៍ជាតិកម្ពុជាបានផ្សាយ នាថ្ងៃទី១៧ ខែសីហា ឆ្នាំ២០២៥នេះ ។
នាទីក្រុងអាឌឺឡែត រដ្ឋអូស្ត្រាលីខាងត្បូង ប្រទេសអូស្ត្រាលី នៅថ្ងៃទី១៧ ខែសីហា ឆ្នាំ២០២៥ ប្រជាពលរដ្ឋខ្មែរ និងព្រះសង្ឃ រួមមានប្រមាណជាង1,000នាក់ បានជួបជុំគ្នាធ្វើបាតុកម្មប្រឆាំងនឹងទង្វើរំលោភកិច្ចព្រមព្រៀងបទឈប់បាញ់របស់ប្រទេសថៃ ។ ជាមួយគ្នានេះ ប្រជាពលរដ្ឋកម្ពុជា នៅទីក្រុងអាឌឺឡែត បានស្នើសុំឱ្យសហគមន៍អន្តរជាតិ ធ្វើអន្តរាគមន៍ឱ្យប្រទេសថៃ គោរពបទឈប់បាញ់ និងដោះលែងកងទ័ពកម្ពុជាដោយឥតលក្ខខណ្ឌ ។
ជាមួយគ្នានេះដែរ បងប្អូនសហគមន៍ខ្មែរក៏បានថ្លែងអំណរគុណ និងដឹងគុណយ៉ាងជ្រាលជ្រៅ ជូនចំពោះលោកប្រធានាធិបតី DONALD TRUMP ដែលបានជួយដឹកនាំសម្របសម្រួល ដើម្បីឱ្យមានបទឈប់បាញ់ភ្លាមៗ និងគ្មានលក្ខខណ្ឌរវាងកងកម្លាំងយោធាកម្ពុជា និងថៃដើម្បីសន្តិភាព និងស្នើដល់លោកប្រធានាធិបតី បន្តតាមដានសភាពការណ៍នៃបទឈប់បាញ់ និងការដោះលែងវីរៈកងទ័ពកម្ពុជា ដែលកងទ័ពសៀមឈ្លានពានបានចាប់ខ្លួនក្រោយបទឈប់បាញ់ចូលជាធរមាន ៕
ចែករំលែកព័តមាននេះ