ខេត្តបន្ទាយមានជ័យ ៖ ទាហានសៀមប្រមាណជិត១០នាក់បម្រុងមកដាក់កាមេរ៉ានៅក្បែរកន្លែងដែលពួកវាព័ទ្ធលួសបន្លា ត្រូវបានប្រជាពលរដ្ឋជាច្រើននាំគ្នាស្រែថាអាចោសៀម កាលពីថ្ងៃទី១៦ ខែសីហា ឆ្នាំ២០២៥ នៅភូមិព្រៃចាន់ ឃុំអូរបីជាន់ ស្រុកអូរជ្រៅ…
ខេត្តបន្ទាយមានជ័យ ៖ ទាហានសៀមប្រមាណជិត១០នាក់បម្រុងមកដាក់កាមេរ៉ានៅក្បែរកន្លែងដែលពួកវាព័ទ្ធលួសបន្លា ត្រូវបានប្រជាពលរដ្ឋជាច្រើននាំគ្នាស្រែថាអាចោសៀម កាលពីថ្ងៃទី១៦ ខែសីហា ឆ្នាំ២០២៥ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
ប្រជាពលរដ្ឋបានប្រាប់ថា ទាហានសៀមមានឯកសណ្ឋានប៉ារ៉ានិងឈុតខ្មៅលាយគ្នាប្រមាណជិត១០នាក់បានបម្រុងដាក់កាំម៉េរ៉ានៅក្បែរកន្លែងហំព័ទ្ធលួសបន្លានិងដាក់កង់ឡានបិតផ្លូវ ហើយប្រជាពលរដ្ឋជាច្រើននាំគ្នាស្រែថាអាចោសៀមយកលួសបន្លាព័ទ្ធយកផ្ទៈប្រជាពលរដ្ឋហើយចង់ធ្វើអីទៀតទើបទាហានសៀមនាំគ្នាយកកាំម៉េរ៉ា២ទៅ៣គ្រាប់ទៅដាក់មុខផ្ទៈប្រជាពលរដ្ឋប្រមាណជា២០ទៅ៣០ម៉ែត្រពីកន្លែងព័ទ្ធលួសបន្លា។
ប្រជាពលរដ្ឋបានបញ្ជាក់ថា កាលពីថ្ងៃទី១៣ ខែសីហា ឆ្នាំ២០២៥ កន្លងទៅមានទាហានសៀម២ឡានប្រមាណជាជិត៥០នាក់មានអាវុធស្ទើរគ្រប់ដៃបានចូលព័ទ្ធលួសបន្លាដាក់កង់ឡានបិតផ្លូវព័ទ្ធផ្ទះប្រជាពលរដ្ឋចំនួន៦ខ្នងផ្ទៈនៅផ្នែកខាងជើងផ្លូវ៣ផ្ទៈដែលទាហានសៀមប្រកាសមេក្រូដេញប្រជាពលរដ្ឋចេញពីលំដៅដ្ឋាននិង៣ផ្ទៈខាងត្បូងផ្លូវត្រូវបានទាហានសៀមបិតផ្លូវនាំគ្នាចាកចេញពីផ្ទះ។
លោក កែវ ដារ៉ារស្មី អភិបាលស្រុកអូរជ្រៅបានប្រាប់ថា ក្រោយទាហានថៃព័ទ្ធលួសបន្លាដាក់កង់ឡានបិតផ្លូវចេញ.ចូលទៅផ្ទៈប្រជាពលរដ្ឋមានចំនួន១២ខ្នងផ្ទៈហើយនៅភូមិព្រៃចាន់ចំនួន៦ខ្នងផ្ទៈនិងភូមិជោគជ័យចំនួន៦ខ្នងផ្ទៈស្មើ១២គ្រួសារមាន២គ្រួសារជាគ្រួសារយោធាមានមនុស្សចំនួន៥៩នាក់ ហើយទាហានថៃបានដាក់កាំម៉េរ៉ានៅក្បែរច្រកចេញ.ចូលនិងមុខលំដៅដ្ឋានប្រជាពលរដ្ឋដែលទាហានថៃហំព័ទ្ធដោយលួសបន្លា នោះពិតប្រាកដមែន ។
ព័ត៌មានបន្តនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ