បុរសម្នាក់មានជំនាញចាក់ចេកតវង្សត្រកូលតាំងពីជីតាដល់ចៅ
- សៀមរាប
ខេត្តសៀមរាប៖ លោករឿង សារ៉ុន រស់នៅភូមិរុន ឃុំរុនតាឯក ស្រុកបន្ទាយស្រី ខេត្តសៀមរាប ជាជាងចាក់ចេកយ៉ាងស្ទាត់ជំនាញ ។ ចំណេះចំនាញនេះ…
ខេត្តសៀមរាប៖ លោករឿង សារ៉ុន រស់នៅភូមិរុន ឃុំរុនតាឯក ស្រុកបន្ទាយស្រី ខេត្តសៀមរាប ជាជាងចាក់ចេកយ៉ាងស្ទាត់ជំនាញ ។ ចំណេះចំនាញនេះ លោកចេះតពីឪពុក ហើយឪពុកលោចេះពីជីតាដែរ ។
លោករឿន រ៉ុន តែងតែដើរតាមឪពុកពេលមានគេត្រូវការចាក់ចេកនៅតាមភូមិ តាំងពីអាយុ៨ ឬ៩ឆ្នាំ ។
បើតាមវិទ្យាស្ថានមនុស្សសាស្ត្រ និងវិទ្យាសាស្ត្រសង្គម ការចាក់ចេកសម្រាប់លម្អក្នុងពិធីជាច្រើនដូចជា បុណ្យរំលាយសព បុណ្យចម្រើនព្រះជន្ម បុណ្យអភិសេកព្រះ ពិធីកោរជុក ជាដើម ។
វត្ថុធាតុសំខាន់សម្រាប់ការចាក់ចេក គឺដើមចេក យកតែស្រទបមកឆ្លាក់ទម្លុះជាក្បាច់ ផ្សេៗដូចជាក្បាច់មានក្បាច់ភ្ញី ក្បាច់ភ្លើងវល្លិ ។ បន្ទាប់ពីចាក់ស្រទបចេកចេញជាក្បាច់រួចហើយ ទើបគេយកក្រដាស់ដែលមានពណ៌ក្រហម បៃតង ខៀវ ដាក់ស៊កសៀតពីក្រោមក្បាច់ស្រទបចេក ដើម្បីរំលេចក្បាច់តាមស្រទបចេក ។
ក្រុមការងារចាក់ចេករបស់លោករឿង សារ៉ុន មានសមាជិកចាប់ពី៥ទៅ៦នាក់ ដើម្បីជួយគ្នាចាក់ចេកឲ្យទាន់ពេលទៅតាមកម្មវិធីបុណ្យ ៕
ចែករំលែកព័តមាននេះ