បន្ទាយមានជ័យ ៖ ពិធីដង្ហែក្បួនកាន់ទុក្ខ និងពិធីបង្សុកូល ឧទ្ទិសកុសលជូនដល់វីរកងទ័ពជួរមុខដែលបានពលីជីវិតក្នុងសមរភូមិ ដើម្បីបុព្វហេតុការពារបូរណភាពទឹកដីកម្ពុជា ក្នុងស្រុកភ្នំស្រុក ខេត្តបន្ទាយមានជ័យ ។ នេះបើតាមទូរទស្សន៍ជាតិ…
បន្ទាយមានជ័យ ៖ ពិធីដង្ហែក្បួនកាន់ទុក្ខ និងពិធីបង្សុកូល ឧទ្ទិសកុសលជូនដល់វីរកងទ័ពជួរមុខដែលបានពលីជីវិតក្នុងសមរភូមិ ដើម្បីបុព្វហេតុការពារបូរណភាពទឹកដីកម្ពុជា ក្នុងស្រុកភ្នំស្រុក ខេត្តបន្ទាយមានជ័យ ។ នេះបើតាមទូរទស្សន៍ជាតិ ខេត្តបន្ទាយមានជ័យបានប្រកាសនាថ្ងៃទី១៧ ខែសីហា ឆ្នាំ២០២៥ ។
ឯកឧត្តម ប្លែក វ៉ារី ប្រធានក្រុមប្រឹក្សាខេត្ត លោក ឃ្លោក នួយ អភិបាលរងខេត្ត តំណាងឲ្យឯកឧត្តម អ៊ុំ រាត្រី អភិបាលនៃគណៈអភិបាលខេត្ត បានអញ្ជើញជាអធិបតីភាព ក្នុងពិធីដង្ហែក្បួនកាន់ទុក្ខ និងពិធីបង្សុកូលឧទ្ទិសកុសលជូនដល់វីរកងទ័ពជួរមុខដែលបានពលីជីវិតក្នុងសមរភូមិ ដើម្បីបុព្វហេតុការពារបូរណភាពទឹកដីកម្ពុជា ក្នុងស្រុកភ្នំស្រុក ដោយមានការចូលរួមពីលោកជំទាវ សេរី សូរិយា អនុរដ្ឋលេខាធិការ ក្រសួងរៀបចំដែនដីនគរូបនីយកម្ម និងសំណង់ ។
លោក ស៊ិញ ឈិញ ប្រធានក្រុមប្រឹក្សាស្រុក លោក ជូ បុត្រ អភិបាលស្រុក សមាជិកក្រុមប្រឹក្សាស្រុក អភិបាលរងស្រុក មន្ត្រីសង្ឃ ព្រះសង្ឃ ប្រជាពលរដ្ឋ ដូនជី តាជី លោកគ្រូ អ្នកគ្រូ សិស្សានុសិស្សប្រហែលជាង ៧០០នាក់ ពិធីនេះប្រារព្ធធ្វើនៅក្នុងបរិវេណ អាស្រមលោកតា ឡាក់ មឿង ស្ថិតក្នុងឃុំស្រះជីក ស្រុកភ្នំស្រុក ខេត្តបន្ទាយមានជ័យ នាព្រឹកថ្ងៃទី១៧ ខែសីហា ឆ្នាំ២០២៥ ។ ជាចុងក្រោយក៏មានពិធីរាប់បាត្រដល់ព្រះសង្ឃ ១១៦អង្គផងដែរ ៕
ចែករំលែកព័តមាននេះ