ស៊ីម់ាំក់ ៖ ថៃយកគ្រា.ប់មីន PMN-2 មកបង្ហាញប្រតិភូបរទេស ដោយចោទកងទ័ពកម្ពុជាដាក់នោះ គឺជាគ្រា.ប់មីនសម្តែង
- ភ្នំពេញ
រាជធានីភ្នំពេញ ៖ ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានគូសញ្ជាក់ថា ភាគីថៃយកគ្រាប់មីន PMN-2…
រាជធានីភ្នំពេញ ៖ ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានគូសញ្ជាក់ថា ភាគីថៃយកគ្រាប់មីន PMN-2 មកបង្ហាញប្រតិភូបរទេសដោយចោទថា កងទ័ពកម្ពុជាដាក់ក្នុងដីថៃនោះ គឺជាគ្រាប់មីនយកមកសម្តែង ព្រោះមិនទាន់ដកគន្លឹះសុវត្ថិភាព ដើម្បីបង្កផ្ទុះឡើយ ។
តាមរយៈបណ្ដាញសង្គមហ្វេសប៊ុក នាថ្ងៃទី១៦ សីហា ឯកឧត្តមអគ្គនាយក បានគូសបញ្ជាក់ថា «គ្រាន់តែចង់ជម្រាបជូនអំពីគ្រាប់មីន PMN-2 សម្ដែង និងគ្រាប់មីន PMN-2 ដាក់សម្រាប់ជាន់ផ្ទុះវាខុសគ្នាទាំងស្រុង គ្រាប់មីន PMN-2 ដែលថៃ ដាក់បង្ហាញនៅលើតុដែលពន្យល់ថា រកឃើញពីក្នុងដី និងចោទថា កងទ័ពកម្ពុជាដាក់ក្នុងដីថៃនោះ ជាគ្រាប់មីនទាំងអស់មិនទាន់ដកគន្លឹះសុវត្ថិភាព ដើម្បីបង្កផ្ទុះឡើយ»។
ឧត្តមបានបន្ដថា តាមធម្មតា និងបច្ចេកទេសប្រសិនការដាក់មីន ដើម្បីឱ្យសត្រូវជាន់ផ្ទុះ ត្រូវតែដកគន្លឹះសុវត្ថិភាពចេញហើយ បើមិនដក គឺជាន់មិនផ្ទុះនោះទេ ៕
ចែករំលែកព័តមាននេះ