ការស្រាវជ្រាវអន្តរជាតិជាច្រើនបានបង្ហាញថា ម៉ាញេស្យូម មានតួនាទីសំខាន់ក្នុងការគ្រប់គ្រងអារម្មណ៍ និងកាត់បន្ថយភាពតានតឹង។ ការសិក្សាពីទិនានុប្បវត្តិ Nutrients (២០២០) បានរកឃើញថា អ្នកដែលមានកម្រិតម៉ាញេស្យូមទាបងាយនឹងជួបប្រទះបញ្ហាថប់បារម្ភ និងធ្លាក់ទឹកចិត្តជាងអ្នកដែលមានកម្រិតធម្មតា។ការសិក្សាមួយទៀតក្នុង…
ការស្រាវជ្រាវអន្តរជាតិជាច្រើនបានបង្ហាញថា ម៉ាញេស្យូម មានតួនាទីសំខាន់ក្នុងការគ្រប់គ្រងអារម្មណ៍ និងកាត់បន្ថយភាពតានតឹង។
ការសិក្សាពីទិនានុប្បវត្តិ Nutrients (២០២០) បានរកឃើញថា អ្នកដែលមានកម្រិតម៉ាញេស្យូមទាបងាយនឹងជួបប្រទះបញ្ហាថប់បារម្ភ និងធ្លាក់ទឹកចិត្តជាងអ្នកដែលមានកម្រិតធម្មតា។
ការសិក្សាមួយទៀតក្នុង Journal of the American Board of Family Medicine បានបង្ហាញថា ការបន្ថែមម៉ាញេស្យូមអាចកាត់បន្ថយភាពតានតឹងយ៉ាងខ្លាំងចំពោះអ្នកមានរោគសញ្ញាថប់បារម្ភ ក្នុងរយៈពេលត្រឹមតែ ៦ សប្តាហ៍។
អ្នកស្រាវជ្រាវក៏បានកត់សម្គាល់ថា ម៉ាញេស្យូមធ្វើការរួមគ្នាជាមួយ វីតាមីន B និង អាស៊ីតខ្លាញ់អូមេហ្គា ៣ ដើម្បីបង្កើនប្រសិទ្ធភាពក្នុងការគ្រប់គ្រងអារម្មណ៍។
ប្រភពអាហារដែលមានម៉ាញេស្យូមខ្ពស់
ដើម្បីទទួលបានម៉ាញេស្យូមឱ្យបានគ្រប់គ្រាន់ អ្នកអាចទទួលទានអាហារខាងក្រោម៖
គ្រាប់ធញ្ញជាតិ: គ្រាប់ល្ពៅ, គ្រាប់ល្ងខ្មៅ, គ្រាប់ Chia ។
គ្រាប់ធញ្ញជាតិទាំងមូល: អង្ករសំរូប និងស្រូវសាលី។
បន្លែបៃតងចាស់: ស្ពៃខាត់ណា, ស្ពៃខ្មៅ។
គ្រាប់: សណ្តែកដី និងអាល់ម៉ុន។
ផ្លែឈើ: ផ្លែចេក និងផ្លែបឺរ។
ត្រី: ស៊ុតត្រី និងត្រីសមុទ្រ។
បរិមាណម៉ាញេស្យូមដែលបានណែនាំប្រចាំថ្ងៃ
ស្ត្រី: ៣១០-៣២០ មីលីក្រាមក្នុងមួយថ្ងៃ។
បុរស: ៤០០-៤២០ មីលីក្រាមក្នុងមួយថ្ងៃ។
ចំណុចសម្គាល់
ក្នុងករណីមានភាពតានតឹងរ៉ាំរ៉ៃ អ្នកប្រហែលជាត្រូវការម៉ាញេស្យូមច្រើនជាងបរិមាណធម្មតា។ ដូច្នេះ ការទទួលទានអាហារសម្បូរម៉ាញេស្យូមអាចជួយឱ្យសុខភាពផ្លូវចិត្តរបស់អ្នកកាន់តែប្រសើរឡើង៕
ចែករំលែកព័តមាននេះ