រាជធានីភ្នំពេញ ៖ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានឲ្យដឹងនៅថ្ងៃទី១៥…
រាជធានីភ្នំពេញ ៖ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា (CMAC) បានឲ្យដឹងនៅថ្ងៃទី១៥ ខែសីហា ឆ្នាំ២០២៥នេះថា ក្នុងដើមខែសីហានេះ ក្រុមការងារ JICA ពីក្រុងតូក្យូ បានចុះមកត្រួតពិនិត្យវាយតម្លៃវឌ្ឍនភាព និងគុណភាព នៃការសាងសង់សារមន្ទីរតេជោសន្តិភាព ដែលត្រូវប្រើប្រាស់ពេលវេលាសាងសង់រយៈពេល២៤ខែ និងត្រៀមបញ្ចប់នៅខែកុម្ភៈ ឆ្នាំ២០២៦ ។
លោក ហេង រតនា អគ្គនាយកស៊ីម៉ាក់ បានបន្តថា ដោយមើលឃើញភាពជាក់ស្តែង នៃការខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងវិស័យមីននេះ រដ្ឋាភិបាលជប៉ុន បានផ្តល់ហិរញ្ញប្បទានឥតសំណង ជូនរាជរដ្ឋាភិបាលដើម្បីគាំទ្រអង្គភាព CMAC ក្នុងការកសាងសារមន្ទីរតេជោសន្តិភាព ដែលមានអាគារមេ នៃសារមន្ទីរតេជោសន្តិភាពនេះ ជារាងគ្រាប់មីន PMN-2 ធំគេនៅលើពិភពលោក ដើម្បីបញ្ជាក់ច្បាស់ពីជោគជ័យ និងការប្តេជ្ញាចិត្ត នៃការអនុវត្តអនុសញ្ញាមីនអន្តរជាតិ Ottawa នៅកម្ពុជា ៕
ចែករំលែកព័តមាននេះ