ខេត្តកំពង់ស្ពឺ ៖ កម្លាំងនគរបាលស្រុកគងពិសី ដឹកនាំដោយលោកវរសេនីយ៍ឯក យ៉ាង សុខលី អធិការស្រុក បានបើកការស្រាវជ្រាវករណីចោរកម្ម (លួចគ្រាប់ជ័រជាវត្ថុធាតុដើមសម្រាប់ធ្វើថង់ប្លាស្ទិក) ពីក្រុមហ៊ុន…
ខេត្តកំពង់ស្ពឺ ៖ កម្លាំងនគរបាលស្រុកគងពិសី ដឹកនាំដោយលោកវរសេនីយ៍ឯក យ៉ាង សុខលី អធិការស្រុក បានបើកការស្រាវជ្រាវករណីចោរកម្ម (លួចគ្រាប់ជ័រជាវត្ថុធាតុដើមសម្រាប់ធ្វើថង់ប្លាស្ទិក) ពីក្រុមហ៊ុន SPRING PLASTIC CO.LTD ដែលមានទីតាំងស្ថិតនៅភូមិម្កាក ឃុំស្នំក្រពើស្រុកគងពិសី ខេត្តកំពង់ស្ពឺ ។
ការស្រាវជ្រាវនេះធ្វើឡើង ក្រោយទទួលបានពាក្យបណ្ដឹងពីក្រុមហ៊ុន និងក្រោមការបញ្ជាដឹកនាំដ៏ខ្ពង់ខ្ពស់របស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺបានប្រកាស នាថ្ងៃទី១៩ ខែតុលានេះ ។
Mr.ZIU ZHIXUN ជនជាតិចិន បានឆែកកាមេរាសុវត្ថិភាពឃើញសកម្មភាពជនសង្ស័យ៣នាក់ បានលួចយកគ្រាប់ជ័រចេញពីឃ្លាំង មានឈ្មោះដូចខាងក្រោម ៖
១/ឈ្មោះ មាន សុធន់ ភេទប្រុស អាយុ២៧ឆ្នាំ មុខរបរជា តៃកុងឡាន សាំយ៉ុង ដឹកអីវ៉ាន់ក្នុងរោងចក្រ អាសយដ្ឋាន ភូមិប្រទះឡាង សង្កាត់ប្រទះឡាង ខណ្ឌដង្កោ ។
២/ឈ្មោះ កៅ រត្ន័ ភេទប្រុស អាយុ៣៤ឆ្នាំ ភូមិប្រទះឡាង សង្កាត់ប្រទះឡាង ខណ្ឌដង្កោ មុខរបរជាតៃកុងឡានសាំយ៉ុង ក្នុងរោងចក្រ ។ ៣/ឈ្មោះ ហ៊ាប យេម ភេទប្រុស អាយុ២៩ឆ្នាំ ជាអ្នកកាន់ឃ្លាំង ភូមិវត្តដំណាក់ ឃុំសាលាកំរើក ស្រុកសៀមរាប (គេចខ្លួន) ។
ជនសង្ស័យបានឆ្លើយនៅចំពោះមុខសមត្ថកិច្ចថា ខ្លួន និងឈ្មោះ ហ៊ាប យេម ពិតបានលួចគ្រាប់ជ័ររបស់រោងចក្រខាងលើចំនួន៣លើក ហើយចំនួន៨ការ៉ុង យកទៅលក់បានលុយចំនួន៦០០០០០រៀល នៅទីតាំងទទួលទិញអេតចាយជិតមួយកន្លែងម្ដុំវត្តជន្លង់ម្លូរ ខណ្ឌពោធិសែនជ័យ ។
យោងតាមបណ្ដឹង និងភស្ដុតាងរោងចក្រ អះអាងថា បាត់គ្រាប់ជ័រ សរុបទាំងអស់ចំនួន៨១៧៥គីឡូ គិតជាទឹកប្រាក់សរុបប្រមាណចំនួន១៣,៤៨៨ USD បច្ចុប្បន្នជនសង្ស័យទាំង២នាក់ រួមជាមួយវត្ថុតាង និងរថយន្ត២គ្រឿង សមត្ថកិច្ចបានកសាងសំណុំរឿងបញ្ជូនទៅការិយាល័យព្រហ្មទណ្ឌ នៃស្នងការដ្ឋាននគរបាលខេត្ដ ចំណាត់ការនីតិវិធីបន្ដ ៕
ចែករំលែកព័តមាននេះ