រាជធានីភ្នំពេញ ៖ បុរសស្រលាញ់ភេទដូចគ្នាម្នាក់ បានបាត់ខ្លួនមួយយប់ មិនឃើញចេញពីបន្ទប់ ហើយអ្នកជិតខាងមានការសង្ស័យ ក៏បាននាំគ្នាគាស់ទ្វារបន្ទប់ជួល ក៏ប្រទះឃើញដេកស្លាប់បាត់បង់ជីវិត ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៧យប់ថ្ងៃទី១៧…
រាជធានីភ្នំពេញ ៖ បុរសស្រលាញ់ភេទដូចគ្នាម្នាក់ បានបាត់ខ្លួនមួយយប់ មិនឃើញចេញពីបន្ទប់ ហើយអ្នកជិតខាងមានការសង្ស័យ ក៏បាននាំគ្នាគាស់ទ្វារបន្ទប់ជួល ក៏ប្រទះឃើញដេកស្លាប់បាត់បង់ជីវិត ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៧យប់ថ្ងៃទី១៧ ខែតុលា ឆ្នាំ២០២៥ នៅបន្ទប់ជួលភូមិជំទាវម៉ៅ សង្កាត់កំបូល ខណ្ឌកំបូលរាជធានីភ្នំពេញ ។
បុរសរូបនោះឈ្មោះ ម៉ៃ ភារៈ អាយុ៤២ឆ្នាំ មុខរបរកម្មកររោចក្រ និងមានស្រុកកំណើត នៅខេត្តកំពង់ឆ្នាំង ។
តាមព័ត៌មានបានឲ្យដឹងថា កាលពីវេលាល្ងាចថ្ងៃទី១៦ ខែតុលា ឆ្នាំ២០២៥ គេឃើញបុរសរូបនោះ ធ្វើដំណើរចេញពីរោងចក្រ រួចចូលទៅសម្រាកនៅក្នុងបន្ទប់ ដោយបាត់ខ្លួនរហូតមិនឃើញចេញមកក្រៅ និងសុំម្ហូបអាហារអ្នកជិតខាងហូប ដូចសព្វដងឡើយ។ លុះនៅវេលាប្រមាណ៧យប់ថ្ងៃទី ១៧ ខែតុលា ឆ្នាំ២០២៥ ដោយមានការសង្ស័យ អ្នកជិតខាងក៏បាននាំគ្នាគាស់បន្ទប់ ក៏ប្រទះឃើញបុរសរូបនោះដេកស្លាប់នៅលើការ៉ូ បង្កឲ្យមានការភ្ញាក់ផ្អើល រួចក៏ប្ដឹងសមត្ថកិច្ចចុះទៅត្រួតពិនិត្យ ។
តាមការពិនិត្យសាកសព លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញ បានសន្និដ្ឋានថា បុរសរូបមនុស្សស្លាប់ ដោយសារគាំងបេះដូង ។
សពត្រូវបានសមត្ថកិច្ចបញ្ជូនទៅតម្កល់នៅឈាបនដ្ឋាន វត្តតាំងក្រសាងខាងត្បូង ដើម្បីរង់ចាំសាច់ញាតិបងប្អូនមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ