ការទទួលទានផ្លែឈើផ្តល់អត្ថប្រយោជន៍ជាច្រើនដល់សុខភាព ប៉ុន្តែផ្លែឈើមួយចំនួនមានកម្រិតជាតិស្ករខ្ពស់ ដែលគួរគិតគូរ ជាពិសេសសម្រាប់អ្នកដែលមានជំងឺទឹកនោមផ្អែម ឬអ្នកដែលចង់គ្រប់គ្រងទម្ងន់ ។ ខាងក្រោមនេះជាផ្លែឈើដែលមានជាតិស្ករខ្ពស់ ៖ ផ្លែឈើដែលមានជាតិស្ករខ្ពស់ ផ្លែទុរេន:…
ការទទួលទានផ្លែឈើផ្តល់អត្ថប្រយោជន៍ជាច្រើនដល់សុខភាព ប៉ុន្តែផ្លែឈើមួយចំនួនមានកម្រិតជាតិស្ករខ្ពស់ ដែលគួរគិតគូរ ជាពិសេសសម្រាប់អ្នកដែលមានជំងឺទឹកនោមផ្អែម ឬអ្នកដែលចង់គ្រប់គ្រងទម្ងន់ ។ ខាងក្រោមនេះជាផ្លែឈើដែលមានជាតិស្ករខ្ពស់ ៖
ផ្លែឈើដែលមានជាតិស្ករខ្ពស់
ផ្លែទុរេន: ត្រូវបានគេស្គាល់ថាជា «ស្តេចនៃផ្លែឈើ» ដែលមានរសជាតិឆ្ងាញ់ខ្លាំង ប៉ុន្តែក៏មានជាតិស្ករខ្ពស់ខ្លាំងផងដែរ ។
ផ្លែខ្នុរ: ផ្លែឈើនេះមានរសជាតិផ្អែមខ្លាំង និងមានក្លិនឈ្ងុយ ព្រោះវាផ្ទុកទៅដោយជាតិស្ករច្រើន។
ផ្លែមៀន និងផ្លែគូលែន: ជាផ្លែឈើដែលមានទំហំតូចៗ ប៉ុន្តែមានជាតិស្ករខ្ពស់ ដែលអាចបង្កើនកម្រិតជាតិស្ករក្នុងឈាមយ៉ាងលឿន ។
ផ្លែទំពាំងបាយជូរ: ទោះបីជាវាជាផ្លែឈើដែលមានប្រយោជន៍ក៏ដោយ ផ្លែទំពាំងបាយជូរមានជាតិស្ករខ្ពស់ក្នុងមួយផ្លែៗ ជាពិសេសនៅពេលដែលញ៉ាំក្នុងបរិមាណច្រើន ។
ផ្លែល្មុត: មានសាច់ទន់ និងផ្អែមខ្លាំង ដែលជាសញ្ញាបង្ហាញថាវាមានជាតិស្ករខ្ពស់។
ផ្លែម្នាស់: ជាផ្លែឈើដែលមានរសជាតិផ្អែមលាយជូរ ហើយក៏មានជាតិស្ករធម្មជាតិខ្ពស់ផងដែរ។
ផ្លែស្វាយទុំ: ស្វាយនៅពេលដែលទុំខ្លាំងវានឹងមានរសជាតិផ្អែមខ្លាំង ដែលធ្វើឱ្យកម្រិតជាតិស្ករកើនឡើង ។
ទោះបីជាផ្លែឈើទាំងនេះ មានជាតិស្ករខ្ពស់ក៏ដោយ ក៏វាមានវីតាមីន និងសារធាតុចិញ្ចឹមសំខាន់ៗដែរ ។ ដូច្នេះ អ្នកមិនចាំបាច់ចៀសវាងទាំងស្រុងនោះទេ គ្រាន់តែគួរតែបរិភោគក្នុងបរិមាណសមរម្យ និងតាមការណែនាំរបស់គ្រូពេទ្យជំនាញ ៕
ចែករំលែកព័តមាននេះ