ខេត្តកណ្តាល ៖ តាមការបញ្ជាក់ពីសមត្ថកិច្ចក្រុងតាខ្មៅ បានឲ្យដឹងថា ក្មេងប្រុសម្នាក់ត្រូវកូនរបស់វីរៈកងទ័ពការពារព្រំដែន ដែលបានលង់ទឹកស្លាប់ បង្កការភ្ញាក់ផ្អើលកាលពីវេលាម៉ោង ៧និង ៤៨នាទីយប់ ថ្ងៃទី១៣ខែ…
ខេត្តកណ្តាល ៖ តាមការបញ្ជាក់ពីសមត្ថកិច្ចក្រុងតាខ្មៅ បានឲ្យដឹងថា ក្មេងប្រុសម្នាក់ត្រូវកូនរបស់វីរៈកងទ័ពការពារព្រំដែន ដែលបានលង់ទឹកស្លាប់ បង្កការភ្ញាក់ផ្អើលកាលពីវេលាម៉ោង ៧និង ៤៨នាទីយប់ ថ្ងៃទី១៣ខែ សីហា ឆ្នាំ២០២៥ ចំណុចទំនប់៩៦ ភូមិអាច់កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ជនរងគ្រោះឈ្មោះ ម៉ាប់ ប៊ុនឡុង ភេទប្រុស អាយុ១២ឆ្នាំ ជាសិស្ស មានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មានឪពុកឈ្មោះគៀង រ៉ូត ឋានន្តរសក្តិ អនុសេនីយ៍ឯកនៃកងកម្លាំងបញ្ជាការរដ្ឋានអង្គរក្ស ឈរជើងនៅប្រាសាទតាមាន់ ។
តាមការបំភ្លឺរបស់ឈ្មោះ គា ចន្ទវិសិដ្ឋ ភេទប្រុស អាយុ១៤ឆ្នាំ ត្រូវជាមិត្តភក្តិនិងគ្នាបានអោយដឹងថា៖ នៅថ្ងៃទី១៣ ខែសីហា ឆ្នាំ២០២៥ វេលាម៉ោង១៦និង៥០នាទី ជនរងគ្រោះនិងឈ្មោះ គា ចន្ទវិសិដ្ឋ បាននាំគ្នាជិះកង់លេងនៅចំណុចប្រឡាយ៩៦ ស្ថិតនៅភូមិអាចម៌កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាល ដោយជនរងគ្រោះធ្លាប់ទៅលេងចំនួន២លើកមកហើយ ពេលជិះដល់ប្រឡាយ៩៦ ជនរងគ្រោះនិងឈ្មោះ គាចន្ទវិសិដ្ឋ បានយកកង់ទុកនៅជិតប្រឡាយ រួចនាំគ្នាចុះទៅច្រាំងលេង យកដុំថ្មគប់ទឹកលេង ក៏ជនរងគ្រោះបានឃើញមានកូនត្រីតូចៗ ក៏យកកំប៉ុងជ័រ ចុះចាប់កូនត្រី មិនប្រយ័ត្នធ្វើអោយជនរងគ្រោះរអិលជើងធ្លាក់ចូលទឹក ឈ្មោះ គា ចន្ទវិសិដ្ឋ ក៏ធ្លាក់ចូលទឹកដែល បានតោងជនរងគ្រោះអោយឡើងគោក តែទឹកហូរ ក៏ឈ្មោះ គា ចន្ទវិសិដ្ឋ ចេះហែលទឹក បានលើគោក បានស្រែកហៅគេជួយ ។ ដោយកន្លែងកើតហេតុ គ្មានផ្ទះប្រជាពលរដ្ឋ ក៏ជនរងគ្រោះ លង់ទឹកលិចចូលទឹកបាត់ ក៏រត់រកអ្នកជួយ មានប្រជាពលរដ្ឋចំនួនប្រហែល៦ទៅ៧នាក់ បានចុះរាវទឹកជនរងគ្រោះ ហើយឈ្មោះ គា ចន្ទវិសិដ្ឋ ត្រូវបានប្រជាការពារ ជិះម៉ូតូដើម្បីទៅរកក្រុមគ្រួសារ ពេលនោះក្រុមគ្រួសារបានហៅបងប្អូន ខ្មែរឥស្លាម ចុះរាវបានស្រង់ជនរងគ្រោះ ក៏ប្រទះឃើញជនរងគ្រោះបានស្រង់ឡើងលើគោក តែជនរងគ្រោះស្លាប់បាត់ទៅហើយ។បន្ទាប់មករាយការណ៍ទៅអាជ្ញាធរនិងសមត្ថកិច្ចចុះមកពិនិត្យ។
ក្រោយកើតហេតុគេឃើញមានសមត្ថកិច្ច និងបងប្អូនប្រជាពលរដ្ឋជាច្រើននាក់ ចុះរាវរកសាកសពក្មេងប្រុសខាងលើ រហូតឃើញ តែអកុសល្យគ្នាផុតដង្ហើមទៅហើយ ខណៈឪពុកវិញជាវរកងទ័ពការពារព្រំដែន នៅប្រាសាទតាមាន់សមរភូមិមុខ ដឹងដំណឹងកូនស្លាប់ភ្លាម បានត្រឹមបង្ហោះនៅលើបណ្តាញសង្គម ទាំងក្តីសង្វេគថា «ប៉ាការពារទឹកដីបាន ហេតុអ្វីប៉ាការពារកូនមិនបាន ប៉ាសុំទោសនេះជាកំហុសរបស់ប៉ា ដែលប៉ាមិនបានមើលថែកូន ប៉ាទទួលយកអត់បានទេ ? កូនសម្លាញ់ប៉ា ទ្រាំបន្តិចទៅប៉ាជិតទៅដល់ហើយ កូនប៉ាមិនអីទេ កូនខ្លាំង កូនប៉ារឹងមាំណាស់ កូនប៉ាឆ្លាតណាស់ ចាំប៉ានាំកូនដើរលេង ញ៉ាំចំណីដែលកូនចូលចិត្ត ទិញស្បែកជើងថ្មីឲ្យកូន ចាំប៉ាណាកូន» ដែលសារនេះ អានហើយអួលដើមកជាខ្លាំង។
បន្ទាប់ពីសមត្ថកិច្ចធ្វើកោសល្យវិច័យទៅលើសាកសពក្មេងប្រុសរងគ្រោះហើយនោះ បានប្រគល់ឲ្យក្រុមគ្រួសារ ធ្វើបុណ្យតាមប្រពៃណី ៕
ចែករំលែកព័តមាននេះ