ប្រទេសឥណ្ឌា ៖ យន្តហោះប្រយុទ្ធធុនRAFALE្ បារាំង នាពេលដ៏ឆាប់ខាងមុខនេះ នឹងទទួលបានការបញ្ជាទិញក្នុងចំនួនដ៏ច្រើនពីសំណាក់ប្រទេសឥណ្ឌា។ កាសែតឥណ្ឌាTIMES OF INDIA ក្នុងអត្ថបទមួយចេញផ្សាយកាលពីថ្ងៃទី១១សីហាលើកឡើងថា…
ប្រទេសឥណ្ឌា ៖ យន្តហោះប្រយុទ្ធធុនRAFALE្ បារាំង នាពេលដ៏ឆាប់ខាងមុខនេះ នឹងទទួលបានការបញ្ជាទិញក្នុងចំនួនដ៏ច្រើនពីសំណាក់ប្រទេសឥណ្ឌា។ កាសែតឥណ្ឌាTIMES OF INDIA ក្នុងអត្ថបទមួយចេញផ្សាយកាលពីថ្ងៃទី១១សីហាលើកឡើងថា កងទ៏ពអាកាសឥណ្ឌាត្រូវបានជម្រុញដ៏សកម្ម ឲ្យទិញយន្តហោះប្រដេញពហុមុខងារ ធុនRAFALEដល់ទៅ១១៤គ្រឿងថែមទៀត ក្នុងក្របខណ្ឌកម្មវិធីយន្តហោះប្រយុទ្ធពហុមុខងារ ដែលមួយផ្នែកធំនឹងផ្គុំក្នុងស្រុកតែម្ដង។
ទិសដៅនៃការបញ្ជាទិញយន្តហោះទាំងនេះគឹសម្រាប់យកមកបំពេញបន្ថែមក្នុងកងយន្តហោះប្រយុទ្ធ ព្រោះតែយន្តហោះធុនMIG -21រុស្ស៊ីចាស់ៗ ត្រូវដកចេញក្នុងពេលឆាប់ៗ និងក្នុងខណៈមានការគំរាមកំហែងកាន់តែខ្លាំងរបស់ចិននិងប៉ាគីស្ថាន ។ ការស្នើសុំការអនុញ្ញាតជាផ្លូវការ ត្រូវដាក់ជូនរយៈពេល២ខែទៀតដល់ផ្នែក DEFENCE ACQUISITION CONCIL ដឹកនាំដោយរដ្ឋមន្ត្រីការពារប្រទេសលោករ៉ាសណាតសីុញ។
៣ខែបន្ទាប់ពីការប៉ះទង្គិចគ្នាតាមអាកាសជាមួយប៉ាគីស្ថាន ក្នុងប្រតិបត្តិការSINDOOR ពីថ្ងៃទី៧ដល់១០ឧសភា យន្តហោះធុនRAFALE្ ត្រូវបានប្រើដើម្បីវាយប្រហារពីចម្ងាយ តែឥណ្ឌាបានបាត់បង់យន្តហោះធុននោះ១គ្រឿង ដែលព័ត៌មានខ្លះថាដល់់៣គ្រឿង ដោយសារយន្តហោះប្រដេញប៉ាគីស្លានធុនJ-10 C ផលិតនៅចិន ។ ចំពោះការបាត់បង់យន្តហោះនេះឥណ្ឌាមិនបានបន្ទោស ដល់យន្តបារាំងនោះឡើយ ដោយលើកថាមកពីគ្មានការរៀចចំគ្រប់គ្រាន់ ដោយមិននិយាយពីបច្ចេកវិទ្យាអន់ឡើយ៕
ចែករំលែកព័តមាននេះ