ខេត្តបន្ទាយមានជ័យ ៖ ប្រជាកសិករប្រមូលផលពោតលក់ឆ្នាំនេះ ឈ្មួញទិញតំលៃថោកក្នុង១តោនតំលៃ៣៧ម៉ឺនរៀល បើប្រៀបធៀបឆ្នាំមុន ១តោនតំលៃជាង៦០ម៉ឺនរៀល គិតត្រឹមថ្ងៃទី០៨ ខែសីហា ឆ្នាំ២០២៥ នៅខេត្តបន្ទាយមានជ័យ…
ខេត្តបន្ទាយមានជ័យ ៖ ប្រជាកសិករប្រមូលផលពោតលក់ឆ្នាំនេះ ឈ្មួញទិញតំលៃថោកក្នុង១តោនតំលៃ៣៧ម៉ឺនរៀល បើប្រៀបធៀបឆ្នាំមុន ១តោនតំលៃជាង៦០ម៉ឺនរៀល គិតត្រឹមថ្ងៃទី០៨ ខែសីហា ឆ្នាំ២០២៥ នៅខេត្តបន្ទាយមានជ័យ ។
ប្រជាកសិករឃុំថ្មពួកបានប្រាប់ថា តំលៃពោតក្រហមឈ្មួញទិញ គឺតំលៃថោកក្នុង១តោនទិញតំលៃ៣៧ម៉ឺនរៀល បើប្រៀបធៀបទៅឆ្នាំមុន ក្នុង១តោនឈ្មួញទិញតំលៃជាង៦០ម៉ឺនរៀល ។ ហើយឆ្នាំនេះ ប្រជាកសិករបង្កបង្កើនពោតក្រហម គឺមានផលក្នុង១ហិកតាទទួលផលចន្លោះពី៤ ទៅ៥តោនតែចំណោយទៅវិញលើការបង្កបង្កើនផល ដូចជាភ្ជួររាស់ដាំ ប្រើថ្នាំ ជី និងកម្មករប្រមូលផល១ហិកតាចំណាយជាង២លានរៀល ។
ប្រជាកសិករសុំអោយអាជ្ញាស្រុក/ខេត្តមន្ទីជំនាញ និងក្រសួងពាក់ព័ន្ធជួយរកទីផ្សារពោតក្រហមជូនដល់ប្រជាកសិករ ដើម្បីបានទីផ្សារ ឬតំលៃអោយបានប្រហាក់ប្រហែលដូចឆ្នាំមុន ឬប្រសើជាងឆ្នាំមុន ប្រជាកសិករអោយបានសល់ខ្លះ បើតម្លៃដូចឆាំ្ននេះ ពោតឈ្មួញទិញថោកលក់បានសងតែថ្លៃជីថ្នាំមិនចង់គ្រប់ផង ។
លោក លីវ សុគុណ មេឃុំថ្មពួកបានបញ្ជាក់ថា ក្រោយទទួលព័ត៌មានដឹងប្រជាកសិករប្រមូលផលពោតឆ្នាំនេះ ឈ្មួញទិញថោកជាងឆ្នាំមុន ក៏បានរាយការណ៍ជូនអាជ្ញាធរស្រុក និងមន្ទីពាណិជ្ជកម្មខេត្ត ដើម្បីជួយរកទីផ្សារជូនដល់ប្រជាកសិករ តែខាងមន្ទីរជំនាញតបថា បើអាចប្រជាកសិករប្រមូលផលពោតបានហើយ ដាក់ឡូត៍សំងួតទុកសិន និងរកទីផ្សារជូន តែពេលនេះប្រជាកសិករដល់រដូវប្រមូលផល ហើយមិនអាចរង់ចាំបានទេ ប្រមូលផលអស់ និងដាំដំណាំផ្សេងទៀត។
លោក ប៉ាង វណ្ណាសេដ្ឋ ប្រធានមន្ទីកសិកម្មរុក្ខាប្រមាញ់ និងនេសាទខេត្តបន្ទាយមានជ័យបានបញ្ជាក់ថា ខេត្តបន្ទាយមានជ័យ ប្រជាកសិករដាំពោតក្រហម មានផ្ទៃដីប្រមាណជាង១៦.០០០
ហិកតា ហើយរហូតដល់ពេលនេះ ប្រជាកសិករបានប្រមូលផលពោតបានប្រមាណជាង៤០ភាគរយហើយដែលប្រជាកសិករដាំមាននៅស្រុកជាប់ជាយដែន មានស្រុកថ្មពួក និងស្រុកម៉ាឡៃនិងនៅតាមស្រុកមួយចំនួនទៀតមានតិចតួច ៕
ចែករំលែកព័តមាននេះ