ខេត្តព្រះសីហនុ ៖ កន្លងមកថ្មីៗនេះ អ្នកទេសចរធ្វើដំណើរតាមបណ្តោយតិរវិថីសម្តេចតេជោចូលមកកំសាន្តនៅឆ្នេរព្រែកត្រែង ដែលមានទីតាំងស្ថិតនៅក្នុងភូមិ៤ ឃុំអូរត្រេះក្នុងស្រុកស្ទឹងហាវ ខេត្តព្រះសីហនុ បានលាន់មាត់សោកស្តាយស្ទើរគ្រប់គ្នា ដោយសារឆ្នេរទេសចរណ៍កម្សាន្តខាងលើដែលមានខ្សាច់សរក្បោះ ជំរាលឆ្នេររាបស្មើល្អ,…
ខេត្តព្រះសីហនុ ៖ កន្លងមកថ្មីៗនេះ អ្នកទេសចរធ្វើដំណើរតាមបណ្តោយតិរវិថីសម្តេចតេជោចូលមកកំសាន្តនៅឆ្នេរព្រែកត្រែង ដែលមានទីតាំងស្ថិតនៅក្នុងភូមិ៤ ឃុំអូរត្រេះក្នុងស្រុកស្ទឹងហាវ ខេត្តព្រះសីហនុ បានលាន់មាត់សោកស្តាយស្ទើរគ្រប់គ្នា ដោយសារឆ្នេរទេសចរណ៍កម្សាន្តខាងលើដែលមានខ្សាច់សរក្បោះ ជំរាលឆ្នេររាបស្មើល្អ, ទឹកសមុទ្រថ្លាខៀវឆ្លុះ បង្កលក្ខណ:ងាយស្រួលដល់ភ្ញៀវទេសចរលើកឡើងថា ពេលនេះកំពុងរងការដណ្តើមយកធ្វើជាការដ្ឋានសាងសង់សំណង់រឹងមាំប៉ះពាល់ធ្ងន់ធ្ងរសោភ័ណ្ឌភាពឆ្នេរអនាម័យបរិស្ថាន ។
យោងតាមសេចក្តីជូនដំណឹង( សជណ )ចុះថ្ងៃទី១៤ ខែ មករា ឆ្នាំ ២០២៦ របស់រដ្ឋបាលសាលាស្រុកស្ទឹងហាវ ខេត្តព្រះសីហនុ ដែលអ្នកយកព័ត៌មានយើងទទួលបានជូនដំណឹងដល់លោកគួច វិន័យ និងលោកស្រីអ៊ុច ស្រីរត្ន័ ម្ចាស់ភោជនីយដ្ឋាន BEACE HOUSE ឲ្យរុះរើស្ពានបេតុងរឹងមាំនិងសំណង់ផ្សេងៗដែលបានលបលួច សាង់សង់មិនមានច្បាប់អនុញ្ញាតរំលោភចូលទៅក្នុងសមុទ្រ ចេញឲ្យអស់រយៈពេល១៥ថ្ងៃ ជាកំហិតដោយយោងតាមអនុក្រឹត្យលេខៈ ៩៨ អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ របស់រាជរដ្ឋាភិបាលកម្ពុជាស្តីពីការគ្រប់គ្រងអាងទន្លេ, សមុទ្រជាសម្បត្តិរបស់រដ្ឋ ។
ឱ! លោកចៅហ្វាយស្រុកស្ទឹងហាវអើយ…ហេតុអីទុកឱ្យគេសាងសង់បានរួចរាល់ ទើបភ្ញាក់ផ្អើលបែបនេះ ។
សេចក្តីជូនដំណឹងនេះបានតម្រូវឱ្យម្ចាស់ទីតាំងខាងលើរុះរើចេញដោយខ្លួនឯងរយៈ ពេលគឺគិតចាប់ពីថ្ងៃ១៤ទៅដល់ថ្ងៃទី២៦ ខែមករា ឆ្នាំ២០២៦ ជាកំហិត ក្នុងករណីម្ចាស់ទីតាំងខាងលើសង្ស័យចូល រួមសហការណ៍ និងអនុវត្តតាមសេចក្ដីជូនដំណឹងនេះ រដ្ឋបាលស្រុកនឹងចាត់វិធានការតាមផ្លូវច្បាប់ជាធរមាននិងចុះរុះរើដោយផ្ទាល់ចំពោះផលប៉ះពាល់ខូចខាតសំណង់មិនទទួលខុសត្រូវឡើយ។
បើតាមការខ្សឹបខ្សៀវពីមន្ត្រីមូលដ្ឋានតូចតាចបែបមាត់ចាបមាត់ព្រាបក្រៅផ្លូវការបានឲ្យដឹងថាមានមន្ត្រីម្នាក់ដែលស្និទ្ធជាមួយថ្នាក់ដឹកនាំរដ្ឋបាលស្រុកខាងលើបានចុះទៅជួបម្ចាស់ទីតាំងខាងលើសង្ស័យទទួលបានផលលាភបានសើមមាត់សើមករជាថ្នូរនិងដំណើរការសាងសង់សំណង់រឹងមាំរំលោភយកដីចំណីឆ្នេរធ្វើជាកម្មសិទ្ធបានដោយរលូន ។ លុះដល់ពេលបែកពាងប្រហុកទើបធ្វើជាចេញលិខិតជូនដំណឹងមួយសន្លឹកមកជំនួសវិញដើម្បីស្តារប្រជាប្រិយភាពជាមួយថ្នាក់ដឹកនាំខេត្ត ដែលលោកកំពុងតែខិតខំយកចិត្តទុកដាក់ថែរក្សានិងរំដោះយកមកវិញបានដឺឆ្នេរជាច្រើនកន្លែងដែលពីមុនគ្រប់គ្រងដោយឯកជន ។
ប្រជាពលរដ្ឋក្នុងខេត្តព្រះសីហនុក៍ដូចជាភ្ញៀវទេសចរណ៍កំពុងតែនាំគ្នារាប់ថយក្រោយ រង់ចាំអ៊ុតមើលថាដល់ថ្ងៃអសាន្តវាទនៃលិខិតជូនដំណឹង(សជណ) របស់រដ្ឋបាលស្រុកស្ទឹងហាវ តើហ៊ានប្រើកណ្តាប់ដៃវះកាត់សំណង់មិនរៀបរយដ៍គឃ្លើនខាងលើដែរទេ?
ជុំវិញការលើកឡើងខាងលើនេះអ្នកយកព័ត៌មានយើងមិនអាចស្វែងរកការបញ្ជាក់បន្ថែមពីលោកសៅ បុរីវឌ្ឍន:អភិបាលស្រុកស្ទឹងហាវបានទេគឹត្រឹមថ្ងៃទី១៨ ខែមរា ឆ្នាំ ២០២៦ ។
ព័ត៌មានបន្តនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ