ខេត្តស្វាយរៀង ៖ មានករណីជនបរទេសចម្រុះជាតិសាសន៍បាននាំគ្នារត់ចេញពីក្នុងអគារកាស៊ីណូonlineមួយកន្លែងមិនដឹងមូលហេតុ ស្រាប់តែឃើញអុសវ៉ាលិស និងសាក់កាដូ ដើរចេញមកតាមថ្នល់ខ្លះដើរតាមផ្លូវលំ ខ្លះដើររករថយន្តតាក់ស៊ីនិងរថយន្តក្រុងដើម្បីជិះចេញតាមផ្លូវជាតិនៃស្រុកចន្ទ្រា មិនដឹងថាទៅទីណាទេរីឯខ្លះទៀតដើរវង្វេងតាមភូមិអ្នកស្រុក។បើតាមសមត្ថកិច្ចបានបង្ហើបឲ្យដឹងថា ករណីជនបរទេសនាំគ្នាដើរចេញពីអគារកាស៊ីណូឡឺស៊ីងអនឡាញនេះកើតឡើងកាលពីម៉ោង២ទៀបភ្លឺថ្ងៃទី១៦មករា២០២៦រហូតដល់ម៉ោង៥ល្ងាច ស្ថិតនៅចំណុចខាងកើតទីរួមស្រុកចន្ទ្រា ព្រំប្រទល់សង្កាត់ប្រាសាទ សង្កាត់បាទីភូមិ ក្រុងបាវិត និងឃុំមេសថ្ងក ស្រុកចន្ទ្រា ។
ប្រភពបន្តថា មានជនបរទេសចម្រុះជាតិសាសន៍មករស់នៅក្នុងកាស៊ីណូ ឡឺស៊ីង អនឡាញច្រើនរហូតរាប់ពាន់នាក់ក្នុងរដ្ឋបាលសង្កាត់ប្រាសាទក្រុងបាវិតគឺបាននាំគ្នារើបង្វិចចេញពីក្នុងអគារកាស៊ីណូអនឡាញតាំងពីវេលាម៉ោង២និង០០នាទៀបភ្លឺរហូតដល់ម៉ោង៥ល្ចាចដើរអុសវ៉ាលីតាមថ្នល់គ្មានគោលដៅច្បាស់លាស់ មិនទាន់រករថយន្តជិះបាននៅឡើយ។
ប្រភពបន្តថា បើតាមការសាកសួរក្រុមជនបរទេសទាំងនោះមានចម្រុសជាតិសាសន៍ ក៏ប៉ុន្តែភាគច្រើនគឺជនជាតិចិន ឥណ្ឌូណេស៊ី វៀតណាម ថៃ បង់ក្លាដេស ប៉ាហ្គីស្ថាន មីយ៉ាន់ម៉ា និងជនជាតិជាច្រើនទៀត។
ប្រភពបន្តថា កន្លងមកគេគ្រាន់តែធ្វើការសន្និដ្ឋានថា អគារទាំងនោះ ជាកាស៊ីណូonline ហើយមិននិកស្មានថាមានមនុស្សស្នាក់នៅច្រើនបែបនេះទេហើយមើលទៅគឺជនបរទេសទាំងនោះផ្អើលភ័យខ្លាចនាំគ្នារើបង្វិចរត់ចេញនៅក្រុងបាវិត ស្រុកកំពង់រោទ៌ មកដល់ព្រឹកថ្ងៃទី១៧មករានេះគឺថា ជនបរទេសដើរវង្វេងពេញវាលនិងតាមផ្លូវមិនដឹងថាគោលដៅទៅណាទេ។
បើតាមសមត្ថកិច្ចម្នាក់សុំមិនបញ្ចេញឈ្មោះបានបង្ហើបឲ្យដឹងថា ទំនងជនបរទេសចម្រុះជាតិសាសន៍ទាំងនេះមានការភិតភ័យ ដោយបែកធ្លាយនូវពាក្យថា សមត្ថកិច្ចរដ្ឋបាលខេត្តស្វាយរៀងនិងចុះធ្វើរដ្ឋបាលបង្ក្រាបក្រុមឧក្រិដ្ឋកម្មល្បែងអនឡាញ ខុសច្បាប់ទើបក្រុមជនបរទេសទាំងនោះភិតភ័យក៏នាំគ្នាវិចបង្វិចដើរចេញពីអគារ ដើរតាមផ្លូវថ្នល់មករករថយន្តតាក់ស៊ីនិងរថយន្តក្រុងជិះចាកចេញ។
ហើយពេលពួកសមត្ថកិច្ចសាកសួរពួកគេថាទៅរាជធានីភ្នំពេញត្រៀមត្រឡប់ទៅស្រុកកំណើតវិញ។អ្នកខ្លះនិយាយថា ពួកគេធ្វើការជាបុគ្គលិកកាស៊ីណូឡឺស៊ីង អនឡាញ ពុំទាន់បានបើកប្រាក់ខែផងស្រាប់តែថៅកែឲ្យឈប់ហើយដេញឲ្យចេញពីកាស៊ីណូ ដូច្នេះពួកគេគ្មានប្រាក់សូម្បីតែ១ដុល្លារក៏គ្មានដែរមិនដឹងថាត្រឡប់ទៅស្រុកវិញបែបណាទេ ។
ទាក់ទិនករណីនេះដែរ សមត្ថកិច្ចក្រុងបាវិតមិនអាចបំភ្លឺបានទេរហូតមកដល់ព្រឹកថ្ងៃទី១៧ មករានេះ គឺមិនទាន់ដឹងមូលហេតុច្បាស់លាស់ទេកំពុងធ្វើការ បើបានលទ្ធផលយ៉ាងណាសឹមផ្តល់ព័ត៌មានតាមក្រោយ ។
ព័ត៌មានបន្តនឹងមានផ្សាយនៅលើកាសែតកោះសន្តិភាព៕
ចែករំលែកព័តមាននេះ