កម្ពស់ទឹកទន្លេនានា ស្រកចុះបណ្ដើរៗហើយ នៅខេត្តស្ទឹងត្រែង
ខេត្តស្ទឹងត្រែង៖ ស្ថានភាពកម្ពស់ទឹកទន្លេនានា បានស្រកចុះជាបណ្ដើរៗហើយ ក្នុងភូមិសាស្ដ្រខេត្តស្ទឹងត្រែង។ យោងតាមមន្ទីរធនធានទឹក និងឧតុនិយមខេត្តស្ទឹងត្រែង បានឱ្យដឹងនៅថ្ងៃទី ៦ ខែសីហា ឆ្នាំ២០២៥…
ខេត្តស្ទឹងត្រែង៖ ស្ថានភាពកម្ពស់ទឹកទន្លេនានា បានស្រកចុះជាបណ្ដើរៗហើយ ក្នុងភូមិសាស្ដ្រខេត្តស្ទឹងត្រែង។
យោងតាមមន្ទីរធនធានទឹក និងឧតុនិយមខេត្តស្ទឹងត្រែង បានឱ្យដឹងនៅថ្ងៃទី ៦ ខែសីហា ឆ្នាំ២០២៥ ថាកម្ពស់ទឹកទន្លេចំនួន៣ បានស្រកចុះរួមមាន៖
សម្រាប់ទន្លេមេគង្គ (ស្ថានីយស្ទឹងត្រែង) ដោយកម្ពស់ទឹកកាលពីម្សិលមិញ ៩.៣៦ ម៉ែត្រ ខណៈ
កម្ពស់ទឹកថ្ងៃនេះ ៩.០៦ ម៉ែត្រ។ ចំណែក កម្ពស់ទឹកប្រុងប្រយ័ត្ន ១០.៧០ ម៉ែត្រ រីឯកម្ពស់ប្រកាសអាសន្ន ១១.៣០ ម៉ែត្រ។
ចំពោះទន្លេសេសាន (ស្ថានីយសេសាន) ដោយកម្ពស់ទឹកកាលពីម្សិលមិញ ៦.៥៣ ម៉ែត្រ
ខណៈកម្ពស់ទឹកថ្ងៃនេះ ៦.១៧ ម៉ែត្រ។ ខណៈកម្ពស់ទឹកប្រុងប្រយ័ត្ន ៩.៩០ ម៉ែត្រ រីឯកម្ពស់ប្រកាសអាសន្ន ១០.៥០ ម៉ែត្រ។
រីឯនៅទន្លេសេកុង (ស្ថានីយសៀមប៉ាង) ដោយកម្ពស់ទឹកកាលពីម្សិលមិញ ៧.១៦ ម៉ែត្រ
ខណៈកម្ពស់ទឹកថ្ងៃនេះ ៦.៤០ ម៉ែត្រ។ ចំណែកកម្ពស់ទឹកប្រុងប្រយ័ត្ន ១១.៥០ ម៉ែត្រ និងកម្ពស់ប្រកាសអាសន្ន ១២.០០ ម៉ែត្រ។
ជាមួយគ្នានេះ មន្ទីរធនធានទឹកខេត្តស្ទឹងត្រែង បានបញ្ជាក់ថា ឥទ្ធិពលទ្រនុងសម្ពាធខ្ពស់ បាននិងកំពុងមានឥទ្ធិពលលើខេត្តស្ទឹងត្រែង ស្ថានភាពបែបនេះ ចាប់ពីថ្ងៃទី០៦ ដល់ ថ្ងៃទី០៨ ខែសីហា ឆ្នាំ២០២៥ មានខ្យល់បក់មកពីទិសទក្សិណ ប៉ុន្ដែពុំមានភ្លៀងនោះទេ៕
ចែករំលែកព័តមាននេះ